Hevşaredarên Bajarê Mezin ê Amedê Serra Bucak û Dogan Hatun ku li navçeya Baglarê avahiya Navenda Tenduristiyê ya Dayik û Zarokan a bêkêr saxtî kirin, serdana esnafên li Kolana Sakaryayê kirin û daxwazên wan guhdarî kirin.

Hevşaredarên Bajarê Mezin Serra Bucak û Dogan Hatun Navenda Tenduristiya Dayik û Zarokan a Şaredariya Baglarê ziyaret kir. Di serdana Hevşaredaran de Hevşaredarên Baglarê Leyla Ayaz û Siraç Çelîk jî amade bûn. Hevserokan avahiya 3 qatî ya ku di heyama berê de bêkêr mabû seh kirin. Hevserokan alavên tenduristiyê yên ku li navenda tenduristiyê riziyane tespît kirin û ji bo nûkirina avahiyê yekîneyên têkildar wezîfedar kirin. Piştî xebatên nûkirinê dê avahî wek Navenda Tenduristiya Dayik û Zarokan ji aliyê Şaredariya Bajarê Mezin û Baglarê ve ji gel re bê pêşkêşkirin.

Serdana esnafên Kolana Sakaryayê

Piştre Hevşaredar tevî Hevşaredarên Baglarê Leyla Ayaz û Siraç Çelîk, Sekreterê Giştî yê Şaredariya Bajarê Mezin Emrullah Gorduk, Alîkarê Sekreterê Giştî Reşat Bakan, serokên daîreyan û endamên meclîsê derbasî Kolana Sakaryayê bûn. Hevserokan esnafên li kolanê ziyaret kirin, bi esnaf û welatiyan re sohbet kirin û daxwazên wan guhdarî kirin.

'Divê navê Kolana Sakarya bê guhertin'

Dikandarên li Kolana Sakaryayê ji bo pirsgirêkên wekî paqijî, ewlekariya sûkê û dagirkirina peyarêyan daxwaza çareseriyê kirin. Esnafên ku xwestin navê Kolana Sakaryayê bê guhertin diyar kirin ku li şûna wê navekî ku rengê çanda bajêr dihewîne were hilbijartin. Têkildarî astengkirina deriyên peyayan, esnafan daxwazên xwe ji Hevserokan re ragihandin ku ji bo kesên ku peyarêyan dagir dikin, cezayên lêveker bên girtin.

Hevşaredar: Em ê bi hev re baştir bin

Hevşaredaran li kolanê li hemû esnafan guhdar kirin û gotin ku ew ê bi erka xwe ya ji bo çareserkirina pirsgirêkên esnafan rabin. Hevserokan da zanîn ku divê esnaf peyarêkan dagir nekin û got, "Dema ku berpirsyarî bi cih werin em ê bi hev re çêtir bin."