Bi mudaxeleya lezgîn îtfaiyê agir hat vemirandin berî ku mezin bibeLi taxa Yenişehirê, di Sîteya Pîşesazî ya 4emîn de agir derket, lê bi mudaxeleya tîmên agirkuj ên Şaredariya Bajarê Mezin a Amedê hat vemirandin bêyî ku zirar çêbibe.

Li navenda taxa Yenişehirê, di Sîteya Pîşesazî ya 4emîn de, li cihekî karê tamîrkirina meqes û parçeyên otomobîlan dike, duh êvarê derdora saet 20:00an ji sedemeke hê nayê zanîn agir derket. Li ser agahdarkirinê, tîmên agirkuj demildest gihîştin cihê bûyerê.

Bi 2 wesayît û 10 neferên girêdayî Serokatiya Beşa Agirkujiyê mudaxeleya lezgîn hat kirin. Tîmên agirkuj piştî ku kepenk şikandin û agir vemirandin, tûpên ku xeter bûn ji cihê bûyerê dûr xistin.

Agir di demeke kurt de hat vemirandin bêyî ku zirareke madî çêbibe.