Şaredariya Bajarê Mezin a Amedê, li navçeya Kayapinarê ji bo balê bikşîne ser penceşêra memik û devê malzarokê bernameya perwerdeyê li dar xist.

Midûrtiya Şaxa Karên Îdareya Tenduristiyê ya Midûriyeta Tenduristiyê bi bernameyên perwerdehiyê yên li taxan tên lidarxistin der barê "Penceşêra pêsîrê" û "Penceşêra devê malzarokê" de jinan agahdar dike.

Di bernameya perwerdeyê ya ku li taxên Bariş û Mezopotamyayê yên girêdayî Midûriyeta Jinan a Şaredariya Kayapinarê li du yekîneyên cuda hat lidarxistin de bi Kurdî û Tirkî bi dîmenan pêşkêşî hatin kirin. Di bernameya perwerdeyê de jin der barê nîşaneyên, faktorên rîskê, rêbazên teşhîs û tedawiyê yên penceşêra memik û devê malzarokê de hatin agahdarkirin.

Jinên ku beşdarî atolyeyê bûn, şekir, tansiyon û germahiya wan hat pîvandin û li ser daxwaza wan muayeneya pêsîrê hat kirin.

Di çarçoveya bernameyê de li atolyeya zarokan a Şaredariya Kayapinarê, ji aliyê xebatkarên tenduristiyê yên girêdayî Midûriyeta Karên Tenduristiyê ve li atolyeya zarokan a Şaredariya Kayapinarê perwerdeya paqijî û tenduristiya diranan hat dayîn.