Rêveberiya Giştî ya DÎSKÎ ya Şaredariya Mezin a Amedê, bi armanca hişyarkirina bikaranîna avê ya bi zanebûn, xwendekarên dibistana seretayî li Saziya Paqijkirina Ava Vexwarinê pêşwazî kir.

Rêveberiya Giştî ya Îdareya Av û Kanalîzasyonê ya Amedê (DÎSKÎ), bi armanca balê bikişîne ser girîngiya avê û hişyariyê li ser bikaranîna avê ya bi zanebûn biafirîne, çalakiyek ji bo xwendekarên dibistana seretayî li dar xist. Di çarçoveya çalakiyê de xwendekarên pola 3'yan a Dibistana Seretayî ya Prof. Dr. Fuat Sezgin, serdana Saziyên Paqijkirina Ava Vexwarinê kirin û qonaxên ku av heta digihîje kaniyên malê derbas dike li cih hîn bûn.

Qonaxên avê yek bi yek hatin ravekirin

Ji xwendekaran re, der barê pîvana debiya ava xam a ji Bendava Dîcleyê tê saziyê, avahiya hewayê, klorkirina pêşî, zelalkirin, parzûnkirin û belavkirina ji bo tora bajêr de agahî hat dayîn. Di serdana nav saziyê de her qonaxa avê yek bi yek hat ravekirin. Xwendekarên ku li odeya SCADAyê hîn bûn ka çawa ava ku tê dayîn tora bajêr tê şopandin, li Laboratuvara Kontrola Avê jî bûn şahidê analîzên avê.

Girîngiya avê hat ravekirin

Xwendekar der barê mijarên wekî "Girîngiya avê, parastina çavkaniyên avê, bikaranîna avê ya bi zanebûn, tasarufa avê û guherîna îqlîmê" de hatin agahdarkirin.

Ji xwendekaran re sertîfîkaya 'qasidê avê' hat dayîn

Di dawiya çalakiyê de bi dayîna sertîfîkaya "Qasidê Avê" ji xwendekaran re, ew ji bo bikaranîna avê ya bi tasaruf teşwîqî dilxwaziyê hatin kirin. Xwendekarên ku sertîfîkayên xwe wergirtin, diyar kirin ku dê agahiyên ku hîn bûne bi malbat û hevalên xwe re parve bikin û got ku dê hişyariya xwe ya der barê tasarufa avê de bidomînin.