Avahiyên xizmetê yên Şaredariya Bajarê Mezin a Amedê dê di Pergala Rêveberiya Enerjiyê ya ISO 50001 de cih bigirin.

Bi xebatên ku ji aliyê Midûriyeta Şaxa Enerjiya Nûjen û Rêveberiya Enerjiyê ya girêdayî Serokatiya Daîreya Parastin û Kontrola Jîngehê ve tên meşandin, avahiya xizmeta sereke, navenda kongreya çandî, otogar û avahiyên kampusa Sumerparkê yên ku di bin banê Şaredariya Bajarê Mezin de xizmetê didin û qada wan a girtî ji 10 hezar metrekareyan zêdetir e, dê di Pergala Rêveberiya Enerjiyê ya ISO 50001 de cih bigirin. Di vê çarçoveyê de, ji aliyê pisporên Serkeftina Enerjiyê û Rêveberiyê ve perwerde li xebatkarên teknîkî û rêveberan hat dayîn û xebatên etûdê yên hemû van avahiyan hatin kirin.

Ji sedî 30 teserûfa enerjiyê

Bi projeyê tê armanckirin ku bi bikaranîna bi bandor a enerjiyê di avahiyên şaredariyê de, pêşîgirtina windabûna enerjiyê û hilberîna enerjiyê ji çavkaniyên nûjen were kirin û ji sedî 30 teserûfa enerjiyê were bidestxistin.