4 hezar gulên ji cureyên heftşiklo, mihemedî û meylandê yên ku di tavgehên Şaredariya Bajarê Mezin a Amedê de hatin hilberandin û çandin, di nav nîveng û parkên bajêr de reng û xemla veda.

Serokatiya Daîreya Park û Baxçeyan a li navçeya Yenîşehîrê li Midûriyeta Şitilgehê, hilberîna cureyên dar, kulîlkên demsalî û gelek cure kulîlkan didomîne.

Ekîban ji ber ku ji hewa û xwezaya bajêr re guncaw e, 4 hezar gulên ji cureyên heftşiklo, mihemedî û meylandê li navend û parkan çandin. Bi gulên ku di meha Gulanê de şîn dibin, nîveng û parkan xuyangek estetîktir bi dest xistin.

Armanc ew e ku bêtir gulan hilberînin

Serokatiya Daîreya Park û Baxçeyan ji bo ku Amed bibe bajarê gulistanê di salên pêş de dest bi plansaziyê kir ku di salên pêş de zêdetir gulan biçîne. Midûrê Şitilgehê dê di mehên Sibat û Adarê de qulên ku qonaxa yekem a hilberînê ne, ji gelek deverên bajêr û Parka Gulîstanê peyda bike.

Ji bo ku şitil bi rihetî pêş bikevin, piştî merheleyên neqlkirin, çîtkirin, gubrekirin, rijandin û rêziknameya mezinbûna nebatan dê gul li park, xaçerê û naverên bajêr bên çandin.

Hilberîna nebatan dewam dike

Serokatiya Daîreya Park û Baxçeyan ji bo bajarekî hêşîntir û estetîk wê li Midûriyeta Şitilgehê hilberîna cureyên gul, çîçek û daran ên demsalî bidomîne.