Şaredariya Bajarê Mezin a Amedê, Şaneşîna Çavdêriya Fîskayayê ya ku welatî dikarin Geliyê Dîcle û Baxçeyên Hewselê lê temaşe bikin, bêpere çêkir.

Şaredariya Bajarê Mezin, der barê Şaneşîna Çavdêriyê ya Fîskaya ku li navçeya Yenîşehîrê ya ku di dema qeyûman de çûna ser wê ji bo welatiyan kiribû bi pere, biryareke nû da. Şaneşîna çavdêriyê ya ku ji bo tevkariya turîzmê hat vekirin, êdî wê bêpere bê bikaranîn. Bi vî awayî welatî dê ji Şaneşîna Çavdêriyê ya Fîskayayê temaşeyî Sûlava Fîskaya, Baxçeyên Hewselê û Geliyê Dîcleyê bikin.

Li herêmê şaneşîneke çavdêriyê û qehwexaneyek heye ku bi tevahî ji 230 metrekareyî pêk tê, 170 metrekare qalikê pêkhatî û 60 metreçargoşe jî şaneşîna cam heye.

'Azadbûn xizmeta gel e'

Welatî kêfxweş bûn ku têketina ser Şaneşîna Çavdêriyê bû bêpere. Ji welatiyan Bulent Ozceylan ê ku çû ser Şaneşîna Camî û bê pere kêfa xwe girt jî wiha got: “Em ji Îzmîrê hatin. Me bihîst ku ev der azad e û em kêfxweş bûn. Azadbûn xizmetek ji gel re ye. Em ji ber vê yekê spasiya Şaredariya Bajarê Mezin dikin.”

Cennet Cengîz anî ziman ku ew kêfxweş e ku Şaneşîna Cam xizmetguzariya bêpere pêşkêş dike û got, “Cihê kêfxweşiyê ye ku berê şaneşîna cam bi pere dihat dayîn û niha bêpere ji gel re vekirî ye. Ji bo vê em spasiya Şaredariya Bajarê Mezin a Amedê dikin. Tiştekî baş e ku ew van bedewiyan ji raya giştî re vedikin û wan nîşan didin."

'Azadbûn avantaj e'

Ûmît Îsafça diyar kir ku xizmetên bi vî rengî hewce ne û wiha got: “Min dît ku Şaneşîna Cam ya ku li vir hatiye çêkirin xizmeteke gelekî xweş e û ez gelekî kêfxweş bûm. Pêdiviya welatê me bi xizmetên wiha heye. Bêperebûna wê jî ji bo me avantaj e.”