Midûrtiya Giştî ya DÎSKÎ ya Şaredariya Bajarê Mezin a Amedê, li gundên Tepe û Sarayê yên navçeya Çermûgê xetên şebekeya kanalîzasyonê ya kevin nû kir.

Midûriyeta Giştî ya Av û Kanalîzasyonê ya Amedê (DÎSKÎ) ji bo ku li seranserê bajêr xizmeta herî baş ji welatiyan re bike xebatên xwe didomîne. Ekîbên DÎSKÎyê yên ku li taxên Tepe û Sarayê yên navçeya Çermûgê di encama hilweşîn û girtina xetên şebekeya kanalîzasyonê ya ku peritî û bêhna nebaş li hawirdorê belav dibe, ji bo xetên kanalîzasyonê yên her du taxan nû bikin xebatek da destpêkirin.

Ekîban di çarçoveya xebatên kolandinê de lûleyên ku jiyana xwe ya aborî temam kiribûn rakirin û li şûna wan lûleyên qalibên curbecur danîn. Piştî xebatên ku hatin kirin, pirsgirêka binesaziya taxên Tepe û Sarayê hat çareserkirin.

 'Em bi xebatên xwe yên çareseriyê bajêr ji bo siberojê amade dikin'

Midûrê Giştî yê DÎSKÎyê Mehmet Şerîfoglû diyar kir ku xebatên nûkirina binesaziyê ku ji bo îro û siberoja bajêr gava herî girîng e, li tevahiya bajêr dewam dike û got, "Em pirsgirêk û pêdiviyên bajêr taloq nakin. Em bi xebatên xwe yên çareseriyê bajarê xwe ji bo paşerojê amade dikin. Di vî warî de xebatên me yên nûkirina binesaziyê ku em ji bo bajarê xwe pêwîst dibînin, bi plan û bername berdewam dikin."