Şaredarîya Bajarê Girdî ya Dîyarbekirî semedo ke Birca Bize ya ke mabenê bircan de tewr girdo, bibo merkezê hunerî xebatanê xo dabî dest pêkerdiş û xebatan hema hema qedîya.

Şaredarîya Bajarê Girdî ya Dîyarbekirî Birca Bize ya ke hetê turîzmî cayêko giring dero sey merkezê hunerî virazeno. Şaredarî dekewtişê Birca Bize de warêk qij û cayê fuayê ya akerde viraşt.

Walîyê Dîyarbekirî Munır Karaloglu da zanayene ke Birca Bize semedê turîzmê û semedê Dîyarbekirijan cayêko girîng dero û xebatanê restorasyone ya Birca Bize dewom keno.

Karaloglu:” Ma kena ke Birca Bize pê restorasyon û xebatanê peyzajî açarnîme merkezê senetî.Ma pînekedişê desê sûranê Birca Bize qedînay. Labelê ma zenenê ke sûran de kar û gurê ma zaf o.

Binge Birca Bize ame xêzkerdiş

Serekîya Dayîreyê Îmar û Bajarvanî ya Şaredarîya Bajarê Girdî ya Dîyarbekirî semedo ke eslê sûran zerar mevîno kendişan de goreyê kota sûran restore virazîya.

Ekîban restoreyê desê sûran zî goreyê eslê sûran viraşt. Birca bi omara 53 de zî herrayê birce ame pakkerdiş û desê pêt ya sûran vejîya werte.

Semedê ke meymanan Baxçeyê Hewselî ya ke Lîsteya Mîrase Dinya ya UNESCO de ca gêno temaşe bikerê seyrangêhêk virazîyeno.

Warê Birca Bize rê kerrayo bazalt yeno ravistiş

Serekîya Dayîreyê Park, Baxçe û Cayanê Zergûnînan ya Şaredarîya Girdî cayê fuayê de hetêk ra xebata peyzajî hetêk ra zî semedê erdê ware ravistişê kerrayo bazalt domneno. Xebata xeta drenaj û awa şilîye û binawanîye ya Birca Bize qedîya.Semedo ke desê sûran vaşan ra bêro pawitiş 2 metre xeta drenajî virazîya. Xeta drenajî rê qum û dolomıt bêro ravistiş. Pê qedîyayişê xebatan çarçiwa xebatanê peyzajî de xebata ronayişê şirqat û ravistişê zirçe bêro viraştiş.

Şaredarî hedef kena ke heta aşma Hezîrane xebatanê xo temom bikera û pê temombîyayişê xebatan senethesan eşkerê tîya de beşdarê çalakîyan bibê.