Rennes – Fransa

Rennes ku paytextê Herêma Bretagne (Bretonya) ya li bakurê rojavayê Fransayê ye, bi nifûsa xwe ya nêzîkî 230 hezarî yek ji navendên girîng ên çand, perwerde û nûjeniyê yên welat e. Rennes; bi têgihiştina xwe ya xurt a rêveberiya xwecihî, polîtîkayên jîngeh û avhewayê, serîlêdanên bajarvaniya domdar derdikeve pêş; di heman demê de bi xebatên xwe yên di warê piştevaniya navneteweyî û dîplomasiya xwecihî de di nav şaredariyên mînak ên Ewropayê de cih digire.

Têkiliya di navbera Amed û Rennesê de, gelekî beriya protokola fermî ya bajarê bira, yanî nêzîkî çil salî berê dest pê kiriye. Bingehên piştevaniya di navbera her du bajaran de, bi têkiliyên dostaniyê yên ku di navbera Şaredariya Amedê ya wê demê û Şaredariya Rennesê de hatibûn avakirin û bi otobusekî şaredariyê ve ku di sala 1978an de ji aliyê Şaredariya Rennesê ve ji Amedê re hatibû hibe kirin, hatine avêtin. Ev piştevaniya bi wate, bi demê re ne tenê di navbera her du şaredariyan de, di heman demê de di navbera gelên her du bajaran de jî bûye wesîle ku têkiliyên xurt werin avakirin.

Di nava çil salî de serdanên alîkar, çalakiyên çandî û hevkariyên civaka sivîl ev têkiliye zindî hiştine. Têkiliya di navbera Amed û Rennesê de, ne tenê berhemê hevkariyeke sazûmanî ye ku di navbera şaredariyan de hatiye avakirin. Civaka kurd a ku li Rennesê dijî, rêxistinên civaka sivîl û aktorên xwecihî yên li her du bajaran têkiliyên çandî û civakî yên ku pêş xistine, bûne yek ji hilgirên herî girîng ên vê dostaniyê. Protokola fermî ya bajarê bira ya di navbera şaredariyan de jî, li ser vî zemînê pêbawerî û piştevaniyê yê ku bi salan di navbera gel de hatiye avakirin, hatiye sazkirin.

Ev derbasbûna kûr, bi Protokola Bajarê Bira re ya ku di sala 2025an de di navbera Bajarê Mezin ê Amedê û Şaredariya Rennesê de hatiye îmzekirin, hatiye veguhestin qonaxeke nû. Bi vî rengî dostaniya ku disparê salên dirêj veguheriye hevkariyeke sazûmanî; ji bo pêşxistina projeyên hevpar di gelek waran de wekî polîtîkayên jîngeh û avhewayê, bajarvaniya domdar, çand û huner, xebatên ciwanan, piştevaniya civakî, polîtîkayên civakî û hevkariya navneteweyî re zemîneke xurt hatiye avakirin.

Îro têkiliya bajarê bira ya ku bi Rennesê re hatiye avakirin, ne tenê hevkariyeke fermî ya di navbera her du şaredariyan de ye; di heman demê de nîşaneyeke sazûmanî ya piştevaniya ku ji çil salî zêdetir e dewam dike, pêbaweriya alîkar û dostaniya di navbera gelan de ye.

Yatta – Fîlîstîn

Yatta ku li sînorên Parêzgeha El-Xalîl (Hebron) a li başûrê Fîlîstînê cih digire, bajareke girîng a Fîlîstînê ye ku bi mîrata xwe ya dîrokî ya dewlemend, avahiya xwe ya civakî ya xurt û têgihiştina rêveberiya xwecihî derdikeve pêş. Şaredariya Yattayê tevî şert û mercên sosyo-aborî yên herêmê jî, bi biryarî xebatên xwe didomîne da ku xizmetên xwecihî werin domandin, piştevaniya civakî were xurtkirin û geşepêdana domdar were piştgirîkirin, her wiha giraniyê dide hevkariyên navneteweyî yên di navbera şaredariyan de.

Têkiliya bajarê bira ya di navbera Bajarê Mezin ê Amedê û Şaredariya Yattayê ya Fîlîstînê de, li ser bingeha piştevaniya di navbera gelan de, aştî û têgihiştina piştgiriya alîkar hatiye avakirin.

Armanca vê hevkariyê ew e ku bi taybetî di navbera rêveberiyên xwecihî yên ku di bin şert û mercên zehmet de jiyana xwe didomînin de parvekirina ezmûnan xurt bike, têkiliyên çandî pêş bixe û piştevaniya navneteweyî bibe ser zemîneke sazûmanî.

Bi protokola bajarê bira re her du şaredariyan; daxwaza xwe ya xebata hevpar a di warên parvekirina ezmûnên rêveberiyên xwecihî, pêşxistina projeyên çandî û civakî, xebatên jin û ciwanan, xizmetên bajarvaniyê yên domdar û zêdekirina hevkariyên navneteweyî de nîşan dane.

Ev biratî ya ku di navbera Amed û Yattayê de ye, ne tenê têkiliyeke fermî ya di navbera şaredariyan de ye; di heman demê de sembola hevkariyeke xurt e ku li ser bingeha nirxên hevpar, piştevabî û dostaniya di navbera gelan de ber bi pêşerojê ve tê birin.