Şaxa Gastronomî û Markakirinê ya ku di bin banê Serokatiya Daîreya Çand û Hunerê ya Şaredariya Bajarê Mezin a Amedê de xebatên xwe didomîne, bi armanca nasandina çanda xwarinên qedîm ên bajêr û tamên herêmî atolyeyan li dar dixe. Atolyeyên ku dê di navbera 19ê Îlonê û 4ê Kewçêrê de bên pêkanîn, dê li cihên girîng ên dîrokî û çandî yên Amedê bên çêkirin. Di atolyeyan de ku bi sernavên cûda de dê bên lidarxistin, ji bilî tamên kevneşopî, fermantasyon, hevîrtirş, metbexa bêbermahî û şerbetên herêmî dê bên girtin dest.

Çanda xwarinê dê ji nifşên paşerojê re bimîne

Armanc ew e ku bi van çalakiyan re hilberên herêmî û rêbazên amadekirina kevneşopî yên ku di hafizeya xwarinê ya Amedê de xwedî cihekî girîng in bên xuyakirin, çanda xwarinê ya bajêr ji nifşên paşerojê re bê hiştin û mîrateya çandî bê nasandin.

Şerbet û xwarinên reyhanê dê derkevin pêş

Di çarçoveya bernameyê de herwiha şerbet û xwarinên ku bi reyhanê ku yek ji nebatên aromatîk ên pêşeng ên bajêr e tên amadekirin, dê derkevin pêş. Di 4ê Kewçêrê de roja Yekşemê li Terasa Seyrê ya Baxçeyê Millet ya li kêleka Mizgefta Hz. Suleyman Atolyeya Şerbeta Reyhanê dê bê lidarxistin.

Piştî atolyeyê, di heman cihî de saet di 18.00î de bi tevlêbûna mêvanên bi vexwendname dê Şeva Reyhanê bibe. Di şevê de ji bilî pêşkêşkirina xwarinên herêmî yên ku bi reyhanê hatine çêkirin, dê sohbet bê kirin û dîwana dengbêjan bê lidarxistin.

Atolye ji bo gel vekirî û belaş in. Şeva Reyhanê ya ku dê di 4ê Kewçêrê de bê lidarxistin jî dê bi vexwendname be.

Bernameya Atolyeyê

• Atolyeya Tirşiyê ya Lakto-Fermente

  • 19ê Îlonê Şemî

  • Cih: Qesra Cemîl Paşa

  • Saet: 15.00

  • Rêvebira Atolyeyê: Funda Akinci

• Atolyeya Hevîrtirşî

  • 21ê Îlonê Duşem

  • Cih: Mala Dengbêjan

  • Saet: 13.00

  • Rêvebira Atolyeyê: Zumrut Biçkin

• Atolyeya Metbexa Bêbermahî
  
  

  • 22yê Îlonê Sêşem

  • Cih: Qesra Şehzadeyan

  • Saet: 13.00

  • Rêvebirê Atolyeyê: Alaaddîn Kiliç

• Atolyeya Şerbeta Simaqê

  • 23yê Îlonê Çarşem

  • Cih: Muştemîlata Qesra Cemîl Paşa

  • Saet: 13.00

  • Rêvebirê Atolyeyê: Alaaddîn Kiliç

• Atolyeya Şerbeta Meyanê
  
  

  • 30î Îlonê Çarşem

  • Cih: Mala Dengbêjan

  • Saet: 13.00

  • Rêvebira Atolyeyê: Mesude Onen

• Atolyeya Şerbeta Reyhanê

  • 4ê Kewçêrê Yekşem

  • Cih: Terasa Seyrê ya Baxçeyê Millet li kêleka Mizgefta Hz. Suleyman

  • Saet: 16.00

  • Rêvebira Atolyeyê: Mesude Onen

• Şeva Reyhanê

  • 4ê Kewçêrê Yekşem

  • Cih: Terasa Seyrê ya Baxçeyê Millet a li kêleka Mizgefta Hz. Suleyman

  • Saet: 18.00

  • Bername: Sohbet, pêşkêşkirina xwarinên bi reyhan û dîwana dengbêjan