Şaredarîya Bajarê Girdî ya Dîyarbekirî semedo ke Tirba Pîr Ezîz o ke qezaya Hênî de ca gêno hemwelatîyan bi rehetî bieşke zîyaret bikerî xebata raştkerdişî dabi dest pêkerdiş.Xebata Tirba Pîr Ezîz qedîya û hetê Wezîrê Ciwan û Xizmetanê Sporî Mehmet Muharrem Kasapoglu û Walîyê Dîyarbekirî Munır Karaloglu, akerdişê tirbe virazîya.

Şaredarîya Bajarê Girdî ya Dîyarbekirî, semedo ke dewlemendîye Tirba Pîr Ezîz yo ke qezaya Hênî de ca gêno û semedê turîzmê yeqînîye cayêko giring der o biveje werte û hemwelatîyan bi rehetî bieşke zîyaret bikerî xebata raştkerdişî dabi dest pêkerdiş. Şaredarî xebatanê xo qedînay.

Akerdişê Tirba Pîr Ezîz pê tîlawetê Quran-î Qerîmî dest pêkerd û Mifteyê Bajarî Yavuz Selım Karabayır derheqê giringîya rojanê de qalîkerdişêk viraşt.

Walî Karaloglu akerdiş de qalî kerd û da zanayene ke fetifkerdişê bajarî ma de gedeyê Halîd Bîn Velîdî Hz. Suleyman û 1. Kiliçarslano ke hemwerê Haçliyan de Anatolye pê ganê xo pawito û gorê ey qezaya Farqîn de ame dîyayiş û Pîr Ezîz zaf rew merdo. Karalogluyî da zanayanê ke ê şehîdanê ma her dem ciwanîye xo pawitê.

Karalogluyî badê qalîkerdişê xo wina domna: “Birêz Wezîr ameyişê şima semedê bajarî ma sey bo milad.Ma vizer kombîyayişan de derheqê kêmasîyê xizmetanê ciwan û sporî de pêvînayiş kerd û şima piştî dayê heme projeyê ma. Serra newî de 17 qeza de do sermayegozarîyê ma dest pêbikero û ma do pê nê projeyan biresê heme ciwananê xo.Ma wazeme ke şima tîya de hîna zêde bivînemê.”

Hênî de merkezê ciwanan û sehayê taxan bêrê awankerdiş

Karalogluyî aşkera kerd ke semedo ke qezaya Hênî de viraştişê hewzê, îhale ameyo viraştiş.Karalogluyî kîfş kerd ke demêko nêzdî de stadyûmê Hênî de xebata roşnîkerdişî û taxanê Nirîb, Cewzî, Derelı û Cumayik de sehayê taxan û qeza de merkezê ciwanan bêro viraştiş.

Karaloglu: “Ma do Medreseyê Xatûnîye biçarnê sey Banê Zanayişî û do 1500 gedeyî tîya ra îstîfade bikerî.” Karalogluyî vîr vîst ke semedo ke ciwanan bipawo xebatanê xo bidomno.

Karalogluyî da zanayene ke qezaya Hênî de pîstê paraşûte virazîya. Hem zî nuqteyê weriştişî de zî zaf xebat ameyê viraştiş.

Endî ciwanê bajarî ma asmenê ma de rehetî eşkenê pê paraşûtan bifirê.Tîya de endî şayîya firfirokan û paraşûte bêrê viraştiş. Ez wazena ke heme hemelatê ma rê xeyrin bo.Hênî de xebatanê ma dewom bikero.”

Merasîm de Wezîrê Ciwan û Xizmetanê Sporî Mehmet Muharrem Kasapoglu, Parlemeneterê AK Partîyê Mehdı Eker û Şaredarê Hênî Ibrahım Laleyî zî qalîkerdişêk viraşt.

Wezîr Kasapoglu û Walî Karaloglu û beşdaran reyde şayîya firfirokan viraşt û mojnayişê paraşûte temaşe kerdê.