Midurê Midurîya Pêroyî yê Îdareyê Awe û Kanalîzasyonî ( DÎSKÎ) ya Şaredarîya Bajarê Girdî ya Dîyarbekirî Fırat Tutşı : “Ma rojanê goreyê 2 mîlyon hemwelatê xo awe sefênenê labelê şuxulnayîşê qaçaxan ver ma zehmetî ancenê û awa şimitişî nêmano. Ma hemwelatê xo ra hîstenîkîye wazenî.”

Midurîya Pêroyî yê Îdareyê Awe û Kanalîzasyonî ( DÎSKÎ) ya Şaredarîya Bajarê Girdî ya Dîyarbekirî hem merkeze bajarî de hem zî tebere bajarî de hemverê şuxulnayişê awa qaçax ra mucadeleye xo bê mabên domneno.

Midurê Pêroyî ya DÎSKÎ Fırat Tutşı şuxulnayişê awe de hemwelatîyan ra hîstenîkîye waşt.

Tutşı derheqê mucadeleye şuxulnayişê awa qaçax de agahî dayê û aşkera kerd ke Awbendê Pîran de 177 metre terfi virazîya û awa şimitişî zedîna.

Tutşî dîyar kerd ke qapasîteyê awa şimitişî ya rojane 260 hezar metreküp o û bade qalîkerdişê xo wina domna: “

Bajarî ma de se ra 48.5 şuxulnayişê qaçax esto

Tutşı aşkera kerd ke bajarî ma de se ra 48.5 şuxulnayişê awe qaçax o û yane hema hema nemeyê awe pê hewayêko qaçax yeno şuxulnayiş.

Tutşı kîfş kerd ke ganî awedayişê baxçeyan de awa şimitişî nêno xebitnayiş û bade wina vat : “Şuxulnayişê qaçax ver qemasîyê ma vejîno werte û semedo ke bieşkê xizmetêko hîna weş bideme şarî, ganî şuxulnayişê awa qaçax biqedîyo.Ekîbanê ma şewe û roje bê mabên mucadeleyê xo domenno. Ma kesanê ke tespit kenî awa qaçax şuxulnenê ceza dane înan.Ekee ê kesan reyna wa şimitişî pê hewayêko qaçax kar bîyaro ma mecbur manenî ke înan bideme dadgehe. Ma qezaya Çinarî de kîfş kerd ke yew awa şimitişî pê hewayêko qaçax ontbi hegayê xo û 110 donime rdê xo pê awa şimitişî awe dayo. Aye ra hemwelatîyan neeşkenê awa şimitişî bigîrê. Awa şimitişî awedayişê hega û baxçe de nêno şuxulnayiş.Eke wina bo ma di qat awe zÎ bideme şarî bes nêbo.”