Midurîya Pêroyî yê Awe û Îdareyê Kanalîzasyonî ya Şareadrîya Bajarê Girdî ya Dîyarbekirî (DÎSKÎ) semedo ke qezaya Pîran de 24 saet bê mabên awa hîna biqalîteyin bido şarî xebatanê xo domneno.

Qezaya Pîranî yo ke rojanê 24 saet awa şimitişî gêno û ekîbê Dîskî semedo ke 24 saet bê mabên awe bido şarî taxa Şingirik de xebata sondajî da dest pêkerdiş.

Sondaj ra 25 lt/sn awe kirişîya awa şimitişî ya qezayî û sewbînan ekîban verê şuxulnayişê awa qeçax zî giretê.

Ekîbê Dîskî semedo kle qeza 24 saet Bê mabên awe bigîro depoyê awe ya merkez de xebata ciewnîyayiş û temîrî da dest pêkerdiş. Sewbînan borî û hûmarkarê kehen zî bedilîyeno.

Ma do probleme awe bin ra safî bikerî

Midurê Pêroyî ya DÎSKÎ M. Fırat Tutşı xebatan ca de sehna û aşkera kerd ke roja depoyê awe ya Pîranî ameyo awankerdiş nata sifteyo ke xebata ciewnîyayiş û tem3ırî virazîyeno.

Tutşî dîyar kerd ke semedo ke qezayan de zî probleme awe çareser bikero şewe û roje xebetiyenî û bade wina vat: “Qezaya ma teyna rojane 1-2 saet awa şimitişî gêno la p3e ina xebate ma do probleme awa şimitişî bin ra sadî bikerî.”

Tutşı bade semedo ke derheqê xebatan di pêvînayiş bikero Qeymeqamê Pîranî Kadır Yurdagul3ı meqamê ey de ziyaret kerde.