Di rûniştina yekem a Civîna Asayî ya Meha Tebaxê ya Meclisa Şaredariya Bajarê Mezin a Amedê de, bi beşdariya endamên meclisê li Salona Civînan a Meclisê hilbijartin hate kirin. Di rûniştinê de ji ber îstifaya Dogan Hatun ê ku berê wekî Cîgirê 1’emîn ê Serokê Meclisê hatibû hilbijartin, hilbijartineke nû hate çêkirin. Ev hilbijartin li ser nivîsa Serokatiya Daîreya Karên Nivîsaran û Biryaran a di 29’ê Tîrmehê de ket rojeva meclisê.

Li gorî xala 19’an a Qanûna Şaredariyan a hejmarî 5393 û xala 13’an a Rêveberiya Xebatê ya Meclisa Şaredariyê, hilbijartin bi usûla zerfa girtî (dengdana veşartî) hate kirin.

Piştî ku heyeta tespîtê zerf vekirin, Endama Meclisê ya Partiya Wkhevî û Demokrasiyê ya Gelan (DEM Parti) Evin Yelboga, wekî Cîgira 1’emîn a Serokê Meclisê hate hilbijartin.