Şaredarîya Bajarê Girdî ya Dîyarbekirî verê Roşanê Remezanî goristanê bajarî de xebata pakî û ciewnîyayişî virazeno.

Serekîya Dayîreyê Karanê Weşî ya Şaredarîya Bajarê Girdî ya Dîyarbekirî Goristanê Yenîkoyî, Şehitlixî, Berê Koyî, Çifthewze û Alipinarî û Suryanîyan de destpê xebate kerde. Derûdorê goristanan de vaşê huşkî ameyî çînayîş û çopî hetê ekîbanê şaredarî ra ameyî arêdayîş. Semedê melşe û mêsan zî goristanî ameyî dermankerdiş.

Peyarayîron yeno newekerdiş

Goristanê Yenîkoyî de xebatanê rayîrê defnkerdişî dewam kena û ekîban hetêk ra zî peyarayîranê kehen bedilnenê. Ekîban goristanan de semedo ke awe îsref mebo henîyan kontrol kenê û pabeştişê awe eşte ya henîyan zî virazenê.