Midurîya Pêroyî yê Awe û Îdareyê Kanalîzasyonî ya Şaredarîya Bajarê Girdî ya Dîyarbekirî do semedê bajarêko hîna weş û konforin seserre 21ine serre 21ine de pê 552 mîlyon lira 21 projeyo pîl bivirazo û daşinasnayişê projeyan pê kombîyayişêk virazîya.

Walîyê Dîyarbekirî Munır Karaloglu kombîyayiş de qalîkerdişêk viraşt û da zanayene ke ewro wezîfeyê Walîtî û Serekwekîlîyê Dîyarbekirî de serreyêk xo pirr kerdo aye ra zî nêzdîyê serreyêko rojanê bajarî vurîyo.

Karalogluyî bal ont ke bajarî ma de serreyêko sermayegozarî, kar û gur,xizmet, vizyon, çalaki û îstîxdam yeno qalîkerdiş.Bajarî ma de nêzdîyê serreyêko Restorasyonê Sûran, EKAY, OSB, Merkezê Têkilîyan, Eshab-i Kehf, çalakîya Fetihê DÎyarbekirî, Civiraştişê 1200 kîlometre rayîrê dewanê bêja, tramway, bulvar û cadeyanê newe, ceribnayişê kewtişê Lîsteyê Bajarê Xulîqnayox ya UNESCOyî, nişan girewtişê 9 werdê bajarî ma, xetê awa şimitişî, tesîsê sefênayişan, Akademî Lîse û kartê sosyal pê seyan xizmetê şaredarî rojanê hemwelatîyan de yê.

Îstîhsalkerdişê erjeyê newe berpirsîyarîyê ma yo

Karalogluyî: “Xizmetanê ke yenê kerdiş teyna rojanê bajarî ma de nêy teber de zî yenê qalîkerdiş” vat û badê qalîkerdişê xo wina domna: “Warê huzursuzî û kaosî ma pey de mend.Ma wazeme ke na rojanê huzur û xizmetê bipawo û hîna xêzdar bikerî. Na berpirsîyarîyê ma yo.” Karalogluyî vîr vîst ke DÎSKÎ pê xebatanê xo piştgirîyêko pîl dayo na warê huzur û asayîşî û badê wina vat: “DÎSKÎ xizmetê xo mabênê 15 hezar û 722 kîlometrakare de berdo en dewa bêja. Hemwelatê ma persê ma zî kenê DÎSKÎ senî eşkenê butçeyê xo ra zêdetir sermayegozarîye bikero. Ez zî vana pê piştgirîyê Birêz Serekkomarê ma, parlementerê ma, dewletê ma û pê kedê xebatkaranê ma mumkun o.”

Awe zêde ra îsref mekerêne

Karalogluyî bal ont ke Îspîrê ma semedê awa awedayişî û şimitişî zaf dewlemend nîya û teyna se ra %2 ye cîhane de awe estê û ma teyna se ra %2,5 awe eşkenê bişuxulnê. Ewro pê henzaran kes estê ke neeşkenê biresê awa şimitişî. Karalogluyî bade wina vat: “Cîhanê ma bine tehlukeyê zuhayî de yo. Gosirmetê ke qewimîyenê nîşanê ma kenê ke ma mecburîme ke hîstenîkîyê nîşanê xozayî bikeme. Awe çîyo ke bê bin nîyo aye ra ma mecburê ke awe zêde ra îsref mekerê.”

Ma do pê tankeran awe kirişê heywanê hemwelatê xo

Karalogluyî dîyar kerd ke emser hetê heywandarî û zîretî de probleman estê. Xeylê hemwelatîyan vera corê xo rê neeşke awe bivînê wrê xo terk kerdê û bade wina vat : Midurîya Zîretî ya bajarî ma û Şaredarî semedo ke pê tankeran awe biresnê warê hemwelatîyan û heywananê înan, xebetiyenî.Ma do pê tankeran awe bikirişê înan. Nê elametan îqazê Homayî yo.Aye ra ma ganî awa şimitişî îsraf mekerî. Dîyarbekir 12 hezar û 500 serrî yo ke cuya xo domenno. 33 medenîyetê qedîm herundê xo tîya de veradayî. Goreyê vateyan Çemê Dîcle behişt ra ameyo û labelê ewro bajarê ma zî probleme awe onceno.”

Problemê awa qeçax û wind ganî bêro safîkerdiş

Karalogluyî da zanayene ke ganî probleme awa qeçax û wind ganî bêro safîkerdiş.Karalogluyî : “65 mîlyon metreküp awe ra bêgûman arizayan ver windê awe estê. Labelê standardê cîhane winde awe de se ra 15 û 20 de yo. Eke winde awe bivejo sere se ra 20 manayê ci qeçax o. Manayê ci uyo ke tayê hemwelatîyan bê girêdayişê aboneyîye awe şuxulnenê yan zî tayê hemwelatîyan awedayişê hega û erdanê xo de awa şimitişî şuxulnenê. Awa ke ameyo sefênayiş zaf qîymetin ê. Eke ma ina awe hega û baxçeyan de kar bîyarê heyf o. “

Karalogluyî vîr vîst ke teyna se ra 15 piştgirîyê butçe Bankeyê Iller ra dîyeno Dîskî û çime 21 projeyê Dîskîyî xizmetanê hemwelatîyan ra bêro viraştiş.. Karalogluyî bade dîyar kerd ke emser xeylê xebata abone û qeçaxan virazîyayo û labelê 4 merkez qeza de hena 65.000.000 metrekup awa qeçax esto.

Karalogluyî îzeh kerd ke verê şuxulnayişê awe ya qeçax ganî ma pêro pîya bigîrê.

Talîmatê Serekkomarê ma ser o hetanî serre 2050 bajarî ma de probleme awa şimitişî safî beno

Karalogluyî vîr vîst ke ke par 26ê Tebaxe de Pîrozkerdişê Serkewtişê Çanakkaleyî de Serekkomar recep Tayyıp Erdoganî goşnaybi problem û waştîşanê walîyan.Badê Karalogluyî wina vat : “i”n têhetamayiş de mi zî ard ziwanê xo ser ke probleme Dîyarbekirî ya en pîl awa şimitişî yo. Aye ser o pê talîmatê Serekkomar Recep Tayyıp Erdoganî sermayegozarîyê awe ame girewtişê programê sermayegozarîyan û aşma Nîsane de îhaleyê ci virazîya. Ez ewilî Serekkomar Recep Tayyıp Erdoganî bade heme kedkaran rê spas kena. Nika ma Dîyarbekir de awa şimitişî pê lezê 3 metrekup pompa gênî û neqlê tesîsê sefênayişê kenî. Pojeyê ke pê talîmatê Serekkomarê ma bêro virtaştiş ma do sanîye de 6 metrekup awe bigîrê. Probleme awa şimitişî ya dîyarbekirî hetanî serre 2050 nêmano.”

Karalogluyî vîr vîst ke par pê slogana “Çareserkerdişêk sey Awe” deynê awe yê hemwelatîyan ameyo texsîdkerdiş û 102 mîlyon lira deyn tira îstîfade kerdo. Hemwelatê ke par ina kampanya ra îstîfade nêkerdbî pê qerarnameyê ke pêyen vejîya eşkenê deynanê awe hetanî 31ê Tebaxe pê texsîd yan zî peşin bide.

Babete deyn û aboneyan de ganî ehr kes berpirsîyarîyê xo bîyarê ca.Bajarî am de 1 Mîlyon û 782 henzar kes cuwîyenê û xebatanê kanaLîzasyon, awa şimitişî û binawanî de heqê heme hemwelatîyan têmîyan ê.Aye ra ez heme hemwelatîyanê ma rê spas kena.Ma bazwerê ke eke ma do pê samîmîyetî bixebitê ma eşkenê heme probleman safî bikerê. Bêgûman ma her xizmetê xo pê piştgirîyê Serekkomarê xo, wezîrê xo, parlementerê xo, hemwelatê xo, û şarî xo reyde bikerî.”

Ma pê 1279 personel 7/24 xebetiyenî

Midurê Pêroyî yê DÎSKÎ Fırat Tutşı zî da zanayene ke semedo ke probleme awe bajarî ma de safî bibo û hemwelatîyan awa şimitişî ver zehmet nêancê xebetiyenî.Tutşî dîyar kerd ke heme xebatanê arêdayişê awa eşte, sefênayişê awa eşte, binawanî û civiraştişê tesîsan berpirsîyarîYê înan de yê.

Tutşî da zanayene ke 15 ehzar û 272 kîlometreyin ca de pê 1279 personelî xizmet kenî û bade wina vat: “Ma wazeme ke bê mabên xizmetê awe bideme şarî. Ma sermayegozarîyê xo kerdê û tesîsê xo awan kerde labelê kar û gurê ma neqedîyo. Heta ma eşkenê vajê ke kar û gurê ma nika dest pêkeno. Ma sîstemê awe ya bajarî xo sey hîstenîkîye weşkerêk taqîb kenî û wezîyeto lezgînan de zî ca de mudaxale kenî.”

Tutşî da zanayene ke pê talîmatê Walî Munır Karalogluyî mucadaleyê awa qeçax de şewe û roje bê mabên xebetiyenî. Tutşî îzeh kerd ke pê destpêkî kampanyaya abonekerdişe se ra 7 aboneyan ameyo zêdînayiş. Tutşı waşt ma hemwelatîyan zî piştgirî bidê mucadaleyê hemverê şuxullnayişê awa qeçax.

Tutşı da zanayene ke bajarî ma de 21 projeyo pîl bêro viraştiş û tayê projeyan ameyê îhalekerdiş, tayê projeyan zî dest pêkerdo. Ma do heme projeyê xo hemwelatê xo reyde pare bikerê.”

Kampanyaya “Nêmanên heta Îlone”

Tutşî îzeh kerd ke semedê ke hemwelatîyan hîna rehet deynaanê xo bide reyna kampanyaya texsîdkerdişê deynana dest pêkerdo û bade wina vat : “Ma pê “Nêmanên Îlone” kampanyayêk serrast kerd. Hemwelatê ke deynanê awe nêeşkenê bidê pê ina kampanya deyananê xo bikerî texsîdan. Ma wazeme ke heme hemwelatê ma tira îstîfade bikerî û kesêko deyndar nêmanê.”

Kombîyayiş Merkezê Kultur û Kongreyî ya şareadrîya Girdî pê tewrê WalîYê Dîyarbekirî Munır Karaloglu, Parlementerê Dîyarbekirî Ebubekır Bal, qeymeqamê Sûr,Peyas,Baxlar û Yenîşehrî, Şaredarê Baxlarî Huseyın Beyoglu, Serekê DTSOyî Mehmet Kayayî û mêmananê binan virazîya.