Serokatiya Daîreya Çêkirin, Sexbêrkirin û Tamîrkirina Rêyan, bi armanca ku li seranserê bajêr binesaziya veguhastinê xurt bike, ewlehiya ajotinê zêde bike û ji bo welatiyan derfeta veguhastineke rehet peyda bike, xebatên nûjenkirina rêyan berdewam dike. Di vê çarçoveyê de li cadeyên Nukhet Coşkun, Kardeşlik û Goçmenler ên li herêma Dortyol a navçeya Rezanê ku xebatên binesaziya gaza xwezayî lê temam bûne, xebatên asfalta germ têne kirin.

Hevserokên Şaredariya Bajarê Mezin a Amedê Serra Bucak û Emîn Ay, xebatên asfaltê yên ku berdewam dikin li cihê wê lêkolîn kirin. Hevşaredarên ku li qadên xebatê lêkolîn kirin, ji yekîneyên peywendîdar li ser xebatên ku têne kirin agahiyên berfireh girtin.

Pêvajoya asfaltkirinê dê di demeke herî kin de bê temamkirin

Hevşaredaran diyar kir ku ji bo rêyên ku ji ber xebatên binesaziyê xera bûne ji bo welatiyan nebin sedema mexdûriyetan, pêvajoya asfaltkirinê dê di demeke herî kin de bê temamkirin û teqez kirin ku xebatên nûjenkirin û sererastkirina rêyan dê berdewam bikin.

4 hezar û 200 ton asfalta germ dê bê reşandin

Tîmên ku amadekariya erdê û xebatên sererastkirina rê yên pêwîst li cadeyên Nukhet Coşkun, Kardeşlik û Goçmenler temam kirin, li ser guzergeha bi dirêjahiya giştî 2 hezar û 170 metreyî dest bi reşandina asfalta germ kirin. Di dirêjahiya xebatên ku sê cadeyan dihewîne de bi giştî dê 4 hezar û 200 ton asfalta germ bê bikaranîn.

Bi nûjenkirina rûyê rêyên ku ji ber xebatên binesaziyê xera bûne re, berxwedana cadeyan dê bê zêdekirin. Bi temamkirina xebatan re tê armanckirin ku li cadeyên Nukhet Coşkun, Kardeşlik û Goçmenler veguhastina wesayît û peyayan ewletir û rehettir bibe.

Di dema lêkolînan de endamên meclisê, Sekreterê Giştî Serdar Bakiroglu, Cîgirê Sekreterê Giştî Azîz Ozdogan û serokên daireyan ên peywendîdar bi Hevşaredaran re bûn.