Şaredarîya Bajarê Girdî ya Dîyarbekirî qepsema feraseto Şaredartîya Şefaf îhaleyê şaredarî pê weşano ganî viraşt û pê ina hawayî teyna îhaleyê viraştişê rayîran ra 353 mîlyon lira pere qasayê şaredarî de mend.

Walîyê Dîyarbekirî Munır Karaloglu qepsema feraseto Şaredartîya Şefaf talimat daye ke heme îhaleyê xo medyayê komelkî û qenalê YouTube ser pê weşano ganî bivirazê. Talîmatê Walî Karalogluyî ser ekîbê şareadrî heme îhaleyan YouTube, Twitter, Facebook û İnstagram ser o pê weşano ganî weşana.

Pê germbîyayişê hewayî îhaleyê viraştişê rayîran dest pêkerd û şareadrî 10 heb îhaleyê viraştişê rayîran ra pêroyî de 353 mîlyon lira teserif kerd.

Walî karaloglu aşkera kerd ke semedo ke bawerîyê ke mabenê hemwelatîyan û dewlete de hînî hêz bibe şaredartîya şefaf çîyêko zaf girîng o. Badê Karalogluyî qalîkerdişê xo wina domna: “ O semed ma heme xebatanê xo de hemwelat û menfaate hemwelatê xoe sas gênê. Ma hemeyê bajarî de mabenê 7-8 aşmî de 10 heb îhaleyê viraştişê rayîran viraşt. Bedele nê îhaleyan 753 mîlyon Tl bi. Ma heme îhaleyê xo medyayê komelkî û qenalê YouTube ser pê weşano ganî weşana û bedele ina îhaleyan bi 400 mîlyon lira û 353 mîlyon lira qasayê şaredarî de mend. Ma heme xebatanê xo pê şefafî vere çime hemwelatîyan de bivirazê. “