Walîyê Dîyarbekirî Munır Karalogluyî sertîfîkayê kursîyerê, kursê ganxeleskerîye bronze ke bi serkewte qedînaybi, vila kerd

Şaredarîya Bajarê Girdî ya Dîyarbekirî kursê Ganxeleskeriye Bronz ya bê pere akerdbi û 99 kursîyer pê serkewte kursê xo qedînayî.Walîyê dîyarbekirî Munır Karaloglu sertîfîkayê 99 kursîyerê ganxeleskerî da.

Serekîya Dayîreyê Ciwan û Xizmetanê Sporî ya Şareadrîya Girdî semedo ke serebûtê fetisîyayişî kêm bikero û îstîxdamî bizedîno Kursê Ganxeleskeriye Borz akerdbi û kurs qedîya.

Kursê ganxeleskeri rê pêroyî de 150 kesî muraacat kerdê. Federasyonê Sporê Binawe ya Tirkîya pê heyetêk mulakatê kursîyeran kerd û 99 kursîyer bîyî serkewte.

Walîyê d3ıyarbekirî Munır Karaloglu merasîmê vilakerdişê sertîfîka de qalîkerd. Merasîm Merkezê Ciwan û Sporî ya Yenîşehrî de pê beşdarîyê Walîyê Dîyarbekirî Munır Karaloglu, Serekê Dayîreyê Xizmetanê Ciwan û Sporî ya Şaredarî Mehmet Kesen û Serekê Xizmetanê Ciwan û Sporî ya Bajarî Muammer Uslu, perwerdekar û kursîyeran virazîya.

Walî Karalogluyî vîr vîst ke berpirsîyarîyô dewlete ya tewr gird heqê dewamkerdişê cuya hemwelatîyan o û serranê binan de endî hem bajarî ma de hem zî sîteyê hemwelatê ma de hewzan zede bîyî, aye ra îxtîyacîye ganxeleskeran zî estbi. Karalogluyî bade wina vat : “ Çi heyfo ke bi taybetî zî ameyişê aşme amnonî çem, qenalê awe de xeylê serebûrê fetisîyayişî qewimîyeno. Eke ma omarê ganxeleskeran bizednê ma do vere serebûtê fetisîyayişî zî bigîrê.”

Ganxeleskeri meslegêk o

Karalogluyî vîr vîst ke ganxeleskerî meslegêk o û bi taybetî zî mintiqa turîzmî de kar û gurê înan zaf o.

Karalogluyî îzeh kerd ke pê ina kurse piştî dîya îstîxdamî zî saya ina kurse hemwelatê ke bi serkewte kurse qedînayî bieşkê kar bivînê. Karalogluyî qalîkerdişê xo ra dima kursîyerê serkewte pîroz kerd û sertîfîkayê înan vila kerd.