Şaredarîya Bajarê Girdî ya Dîyarbekirî pê projeya EKAY (Îdareyê Eşteyê Huşk ) probleme çopî ya ke 50 serre yo dewom keno safî bikero.Qepsema proje de bi wesîleya 5ê Hezîrane Roja Dorûverî ya Cîhane de îstîhsalê elektrîkî virazîya.

Walîyê Dîyarbekirî Munır Karaloglu merasîmê akerdişê etabo yewin ya projeyê EKAY de qalî kerd û aşkera kerd ke bi wesîleya 5ê Hezîrane Roja Dorûverî ya Cîhane de bibo wesîleyê hîşyarbîyayişî akerdişê etabo yewin ewro virazîyeno.Merasîm de Parlementerê Dîyarbekirî Mehdı Eker û Şaredarê Baxlarî Huseyın Beyogluyî zî derheqê giringîya rojane ser o qalîkerdişêk viraştê

Walî Karalogluyî vîr vîst ke roja ameybi wezîfe ferq kerdbi ke en problemê gird problemê çopî yo û semedo ke probleme çopî ya ke 50 serre yo dewom keno safî bikero û depokerdişê çopî ya wehşî biqedîno projeya EKAY da dest pêkerdiş.

Karalogluyî derheqê dewlemendiyê binawanî û serawanîye baajrî ma de qalî kerd û wina vat: Qerejdax bajarî ma kerdo Amîdî Sewda. Labelê her eşteyê bajarî tîya de ameyê arêdayiş û tîya ameyo leyminkerdiş.Hewa, herre û we bajarî ma jehr kewtiyî. Feraseto şaredartîye bajarî ma bi serreyan veng ra şîyo û netîceyê ci zî Qerejdaxî bîyo çopdaxî.”

Karalogluyî kîfş kerd ke aşma Elule de projeya Ekay dest pêkerdo û hetanî nika gazo çopan ameyo pêser û verê awjenîyê çopan ameyo girewtiş.

“Hedefê ma sifir eşte yo”

Karalogluyî da zanayane ke 1ê Nîsane ra nata bingehê santralê elektrîkî ameyo eştiş û çopanê bajarî ma ra îstîhsalê elektrîkî dest pêkerdo.

“Ma pê rayberîyê Serekkomar Recep Tayyıp Erdoganî û pê lebateyê ey ma xebetiyenî ke çopanê bajarî ma cîya bikerîmê û hem zîgedeyê ma pê ina qayde hîstenîkîye xoza bizanê. Tîya de hedefê ma sifir eşte yo. Ma do ewilî çopan cîya bikeme û ardî pêser û çopanê bînan zî do tîya de cîya bikerî.”

Wa tesîsê ma semedê rayîrê awankerdişê sibarojêko weş ya bajarî ma de rayberîye bike

Karalogluyî îzeh kerd ke hemwelatê ke teber ra yenî xizmetanê newe ferq bikerî pê heme sazgehîye bajarî xebetiyenî. Karalogluyî aşkera kerd ke nika 17 qeza de xebtanê şaredarî bê mabên dewom keno.

Badê Karalogluyî qalîkerdişê xo wina domna: “Înşallah sibaroje bajarî ma ewro ra weştir bo. Wa hemwelatê ma bawer bo ke sibarojê bajarî ma do hîna weş bo. Wa tesîsê ma semedê rayîrê awankerdişê sibarojêko weş ya bajarî ma de rayberîyê bikero.”

Çalakî pê gêyrayîşê tesîsê qedîya.