Di kursê de ku dê di bin banê Serokatiya Daîreya Polîtîkayên Jinan de dest pê bike, jin dê riwekên nojdarî û bêhnxweş nas bikin û rêbazên çandinî û lênêrînê hîn bibin. Di perwerdeyan de ku dê jinan bi xwezayê û axê re bîne cem hev, dîroka riwekan û qadên wan ên bikaranînê jî dê werin gotûbêjkirin.

Ji tov heta dirûnê perwerdeya pratîk

Di çarçoveya kursê de pêvajoya hilberînê ya ku ji tov heta dirûnê dirêj dibe, bi xebatên pratîk re dê werin xebitandin. Beşdar, ji bilî çandiniya riwekan, dê derbarê veguherandina wan a bo berhemên cuda de jî zanyarî û ezmûnê bistînin. Di perwerdeyê de ku tê de rêbazên kevneşopî jî dê werin destgirtin, ji bo çêkirina krem, merhem, tentûra xwezayî û sirkeyê xebat dê werin pêkanîn.

Serlêdan dê heta 30ê Çiriya Pêşîn bidomin

Jinên ku dixwazin beşdarî kursa sertîfîkayî bibin, dikarin di navbera 20–30ê Çiriya Pêşîn de serî li Navenda Jiyanê ya Jinan a Benûsenê û Navenda Jiyanê ya Jinan a Yenîkoyê bidin.