Şaredarîya Bajarê Girdî ya Dîyarbekirî bi wesîleya tehtîlbîyayişê mektebon semedo ke wendekarî tehtîlê hamnanî hîna weş biveynê, kursê hamnanî yê ciwanan dana dest pêkerdiş.

Şaredarîya Girdî demê perwerdehîyê serra 2021-2022 de Banê Zanayîşî, Akademî Lîse û Yurdê Kênayan ser o ciwan û gedeyan rê xizmetê perwerdeyî yê bê pere dayê.

Serekîya Dayîreyê Xizmetanê Ciwan û Sporî ya Şaredarîya Bajarê Girdî ya Dîyarbekirî na rey zî pê tehtîlbîyayişê mektebon, semedo ke wendekarî tehTîlê hamnanî hîna weş biveynê çalakîyê hamnanî serrast kerd.

Yena hedefkerdiş ke ciwanî kursanê vîr û zeka, robotik kodlama, drama, tîyatro, wênekeşî, teyaregehî, astronomi, satranç û faalîyetê sportîf(fitbol,voleybol,tenis,asnawberî) , govend, sînetê dîyayişî,bîlîşîm û kitabxaneyî hem hetê fîzîkî hem zî hetê sosyal aver şêrê.

Wendekarî do pê çalakîyê Bigêyrê-Bivînê bajarê xo bizanê

Teberê kursanê hamnanî de semedo ke wendekarî bajarê xo û cayanê tarîxî û turîzmî bizanê çalakîyê gêyrayîşî bêra serrastkerdiş.

Kitab Qehweyî aşma hamnanî de zî akerde yê

Kitab Qehweyî, Qehweyê Şarî, Parkê Birayîye,Temapark,Meydanê Suke yê ke hetê wendekaran raştê eleqeyêko hewl yenê, aşma hamnanÎ de zî akerde yê.

Wendekarî ke Akademî Lîse yê Selehedîn Eyûbî, Azîz Sancar, Şehîd Alî Gaffar Okkan,Sur,El Cezerî, Xatunîye,Ehmedê Xanî, Pîran û Banê Zanayîşî yê Gurbuz Hênî de wanenê eşkenê aşma hamnanî de zî tîya rab ê pere îstîfade bikerê.

Wendekarî ke emre înan 18 serrî ra pîler ê û wazenê aşma hamanî de tîya ra îstîfade bikerê, bo bi xo yê bînan zî keyeyanê xo reyde bêrê û qeydê xo bivirazê.

Wendekarî do Kampa Hamnanî de mirda xo tehtîl bikerê

Wendekarî do Kampa Hamannî ya Gezıne de hewteyêk mirda xo tehtîl bikerê, Wendekarî rê uca de çanteyo ke têde xewlî, verçimikê asnawkerdişî, şimik, mayo û bone estê bidîyê înan.

Wendekarî rê uca de hetê perwerdekaranê pîspor, semîneran bêra dayîş û ciwanî do atolyeyanê resîm, hunerê destan, govend,muzîk, wendîş,sînema,drama, robotik û rîtîm de perwerdeyî bigîrê.

Semedê averşîyayişê fîzîkî yê wendekaran çarçiwa falîyêtê sportîf de her roje saetanê dîyar de çalakîyê asnawberî, fitboll,basketbol,voleybol,satranç û voleybol bêrê viraştiş.

Serekîya Dayîreyê Îtfaîya zî pê ekîbanê pîspor wendekarî rê perwerdeyê şewat û teknîkê honakerdişî serrast bikero.

Wendekarî ke yenê kampe werdê înan hetê şaredarî, binçimdarîyê dîyetîsyenan virazîyeno û rojane 5 werde bidîyê înan.