Wayîrîyê Dîyarbekirî pê tewrê 76 bajar û 756 gedeyî ke emre înan mabênê 10-14 serrî de yî Musabaqayê Kayê Vîr û Zekayî ya Tirkîya yê 4ine virazîya.

Şirikîya Walîtîya Dîyarbekirî, Şaredarîya Bajarê Girdî ya Dîyarbekirî, ,Perwerdeyê Mîlî, Midurîya Ciwan û Sporî û Federasyonê Kayê Vîr û Zekayî ya Tirkîya , Fînalê Musabaqayê Kayê Vîr û Zekayî Dîyarbekir de virazîya. Wendekarê ke mektebo verên û mîyanên de wanenê branşanê mangala, kulamî, pentago, reversi, q-bitz, equilibro de mucadele kerdê.

Musabaqa Kompleksê Sporî ya Seyrantepe de virazîya û badê semedê serkefteyê musabaqayî merasim virazîya.

Sekreterê Pêroyî yê Şaredarîya Bajarê Girdî ya Dîyarbekirî Abdullah Çıftçı û Serekê Federasyonê Kayê Vîr û Zekayî Şaban Kurt wendekarî rê xelate înan teqdîm kerd.

Keyfweşîyê xo keyeyanê xo reyde pare kerdê

Muhammed Salıh Durbıno ke Rîha ra ameyo û kategorîyê kulamî de bîyo yewin da zanayene ke sey aktîvîteyêk tewrê musabaqayî bîyo û badê mücadele kerdo.

Durbın da zanayene ke keyfweşîyê xo keyeyanê xo û mamostayanê xo reyde pare kerdo.

Mustafa Mert Gormezlero ke Balikesîr ra ameyo û kategorîyê kayê kure de bîyo yewin keyfweşîyê xo ard ziwanê xo ser û da zanayene ke roja sifte ra nata mücadele kerdo û nika zî zaf keyfweş o.

Suleyman Zerenayo ke Estanbol ra ameyo û kategorîyê kayê kure de bîyo yewin keyfweşîyê xo ard ziwanê xo ser.