Midurîya Pêroyî yê Îdareyê Awe û Kanalîzasyonî ( DÎSKÎ) ya Şareadrîya Bajarê Girdî ya Dîyarbekirî na rey zî semedo ke probleme awa şimitişî ya qezaya Pîranî çareser bikero dest pê xebatan kerd. Ekîban pê bire û sondaje probleme awe çareser kerd.

Midurîya Pêroyî ya DÎSKÎ semedo ke problemê awa şimitişî yê qezayan bin ra çareser bikerê projeye neweyan ser o xebate keno. Ekîbê DÎSKÎ qezaya Pîranî de xebata sondajî viraşt û bire ke debîyê ci 23 lt/ sn yo, akerd. Pê bire newe probleme awe çareser beno. Midurê Pêroyî yê DÎSKÎ M. Fırat Tutşı semedo ke derheqê xebatan di pêvînayiş bikerê Qeymeqamê Pîranî Kadır Yurdagulî meqema ey di ziyaret kerd. Tutşı bade Şaredarê Pîranî Felat Aygorenî reyde meqema ey de pêvînayiş viraşt û bade Tutşı û Aygoren pêro pîya xebatanê sondajî ya nêzdîyê Yokuşlıyî dewom keno, wekenit. Badê Tutşı da zanayene ke awe ke qezaya Pîranî gêno beso labelê qaçaxan û awedayişê baxçeyan ver hemwelatîyan mexdûr benî. Badê Tutşîyî qalîkerdişê xo wina domna: “Ma semede ke heme heqê hemwelatê xo bipawê ganî dikkat bikerê û awe îsref mekerê. Xebata peymitişê sondajî de ekîbê ma 23 lt/sn awe tespit kerd. Ma tedbîranê xo girewt û dest pê xebatan kerd. Ma ina awe bideme qezaya Pîranî. Semedo ke hemwelatîyan biresê awa biqalîteyin xebatanê ma dwom kene”