Şaredariya Bajarê Mezin a Amedê, GABB û TBB'yê bi hevkariya hev re perwerdeya "Şopandina Kontrola Navxweyî û Rêveberiya Rîskê" li dar xistin. Perwerde li Salona Civînê ya Alî Emîrî pêk hat û wê du rojan bidome. Di roja ewil a perwerdeyê de Sekreterê Giştî yê DBB'yê Serdar Bakiroglu, Alîkarên Sekreterê Giştî Muhabbet Erdogmuş, Ozlem Tekîn û Zerîn Turk, her wiha serokên daîreyan û rêveberên yekîneyan amade bûn.

Têkiliya rêveberiya stratejîk û kontrola navxweyî hate nirxandin

Di çarçoveya perwerdehiyê de Hale Evrim Akman a ji Yekîtiya Bajarokên Tirkiyeyê pêşkêşiyek kir. Di pêşkêşiyê de sernavên "Rêveberiya stratejîk çi ye, çima ji bo şaredariyan girîng e?", "Têkiliya plansaziya stratejîk - bernameya performansê - budçe - rapora çalakiyê - kontrola navxweyî" û "Kontrola navxweyî çi ye / ne çi ye û Rêziknameya 2025an" hatin gotûbêjkirin.

Rêveberiya rîskê bi mînakên şaredariyan re hat nirxandin

Di pêşkêşiyê de her wiha li ser mijarên "Rîsk çi ye, kontrola navxweyî kîjan rîskan bi rê ve dibe?", "Mînakên şaredariyan" û "Plana çalakiyê û serîlêdana rêveberiya jorîn" hate rawestandin. Armanca bernameya perwerdehiyê ew e ku pêvajoyên stratejîk ên di nava şaredariyê de bên xurtkirin û kapasîteya sazûmaniyê ya di rêveberiya rîskê de bê zêdekirin.