Şaredarîya Bajarê Girdî ya Dîyarbekirî îhaleyê peymana tramwayî îmza kerd.

Şaredarîya Girdî semedo ke komresîyêka hîna rehet û erjan projeye tramwayî hadre kerdbî û ekÎbê şaredarî semede peymana tramwayî wekenitişê xo qedînay.

Şaredarîya Girdî pê firmaya Altaş Altyapı Uluslararası Mühendislik ve Müşavirlik Anonim Şirketi peymana tramwayî îmza kerdç. Semedê hadrekerdişê projeyi şaredarî 6 aşmî daye fîrmayî û bade 6 aşme xebatan dest pêbikero.

“Ma wazeme ke serra 2023 de tramwayî dîyarîyê hemwelatîyan bikeme”

Sereka Dayîreyê Resî ya Şaredarîya Bajarê Girdî ya Dîyarbekirî Hulya Atalaye aşkera kerd ke şareadrî semede tramwayî gamek zaf girîng eşt. Atalaye bade wina vat:” Sîstemo tramwayî yeno hedef kerdene ke mabenê Neweşxaneyê Perwerde û Cigêrayîşî yê Gazî Yaşargılî û Meydana Şêx Seîdî de 14.1km dergi û 23 îstasyonî ra bêro viraştiş. Sîstemo tramwayî Fîskaya ra dest pêbikero û raygeho Meydana Şêx Seîdî- Cadeyê Alî Emîrî, Cadeyê Hıntlıbaba-Ekîncîleran- Bulvarê Turgut Ozal- Bulvarê Dîclekent- Cadeyê Mastfroş û Neweşxaneyê Perwerde û Cigêrayîşî yê Gazî Yaşargılî de bêro viraştiş. Serekîya Dayîreyê Resî ya Şaredarîya Bajarê Girdî ya Dîyarbekirî hedef keno ke serra 2023 de xebata tramwayî biqedîno. Temombîyayişê sîstemo tramvayî 74 hezar û 342 raywanî kirişe. Yeno hedef kerdene ke serra 2040 de qapasîteyê kiriştişê raywanan yê sîstemo tramvayî 132 hezar û 26 bi.”

Atalaye da zanayene ke yeno hedefkerdiş ke serra 2023 de xebata tramwayî bêro temomkerdiş. Atalaye:” Xebata tramwayî de etaba ewilî proje bî û ma projeyan temom kerd. Ma îhaleyê tramwayî zî viraşt û etaba erînayişê wesayît û civiraştişê tramwayî maneno. Ma wazeme ke hetanî serra 2023 xebata tramwayî biqedînê û dîyarîyê şarî bikeme” vat