Şaredarîya Bajarê Girdî ya Dîyarbekirî do Roja Muzîke ya Cîhane pê çalakîyan pîroz bikero.

Kuçeyê Hunerî, en qerebalix kuçe û sey sembolê bajarî ma yo. Şareadrîya Girdî, Kuçeyê Hunerî de xebata raştkerdişî ya kuçeyî ra dima tîya sey merkezê çalakîyê kultur û senetî şuxulneno.

Serekîya Dayîreyê Kultur û Karanê Sosyal ya Şaredarîya Bajarê Girdî semedo ke 21ê Hezîrane Roja Muzîke ya Cîhane de hemwelatîyan wextêko weş bivîyarno mabênê saetanê 14:00 û 21:00 de tayê çalakîyan serrast keno.

Çalakîyan do Kuçeyê Hunerî de pê govend, bando û kuarter dest pê bikero. Qepsema çalakîyan de mabênê saet 16 : 00 û 16:30 de Zılan Tıgrıs, 16:45 û 17:15 de Grup Çelîna, 17:30 û 18:00 de Songul Yilmaz, 19:00 û 19:45 de Erdal Elaldi, 20: 00 û 20:45 de Zahît Altintaşî pê konseran hemwelatîyan ra bêrê têhet. Çalakî do pê konserê deyîrbaz Bedrı Ayselinî Bêro temomkerdiş.

Serekîya Dayîreyê Kultur û Karanê Sosyal ya Şaredarîya Bajarê Girdî do pê cîya-cîya çalakîyan Kuçeyê Hunerî de hemwelatîyan reyde bêro têhet.