Midurê Pêroyî yê Midurîya Awe û Îdareyê kanalîzasyonî ya Şaredarîya Bajarê Girdî ya Dîyarbekirî rojnamegeranê ke bajarî ma de wezîfe kenî reyde ameyî têhet û înan rê derheqê sermayegozarîye Dîskî de agahî da.

Midurê Dîskî M. Fırat Tutşı, Tesîsê Sefênayişê Awa Şimitişî de rojnamegeran reyde ameyî têhet. Tutşı cewab da perse rojanê yê rojnamegeran û aşkera kerd ke Dîskîs erre 2021 de pê 552 mîlyon lira butçe, 423 aboneyî rê xizmet dano.

Tutşı da zanayene ke hetê aboneyîyan de problem esto û şuxulnayişê awa qeçax bajarî ma de hema-hema se ra 40-45 yo.

Tutşı bal ont zehmetîye xebata awa şimitişî û wina vat : “Awa ke ma îstîxsal eknî ra nemeyê ci qeçax o û awedayişê baxçe û hegeyan de yeno şuxulnayiş. GanÎ awe veng ra meşo. Ma ganî qîymetê awe bizanî. “

Tutşı mucadeleyê hemverê awa qeçax de hemwelatîyan ra piştî waş û wina vat : “Şuxulnayişê awa şimitişÎ semede herkesi rojane 130 lître yo labelê bajarî ma de ser 270 lître de yo. mabenê bajarî de şuxulnayişê awa qeçax se ra 44 de yo û ina hal qeza û dewan de zî nebaşe.

“Ma pê hîstenîkîye tesîsê xo ewnîyenê û mudaxale kenî”

Tutşî da zanayene ke Dîskî 15 hezar û 272 kÎlometreyin ca de pê hezar û 279 personel xizmet kenî.

“ Ma wexto ke xizmet kenî wazeme ke hemwelatîyê ma saetêk zî bê awe nêmanê. Ma pê ina Hîstenîkîye şewe û roje sîstemê awe taqîb kenî û arizayan rê ca de mudaxale kenî. “

Badê Tutşı rojnamegeran reyde pîya Tesîsê Sefênayişê Awe de gêrayî û derheqê tesise de agahî da înan