Walîyê Dîyarbekirî Munır Karaloglu, serekê dayîreyanê şaredarî reyde pîya xebata viraştişê rayîr û ciewnîyayişî ya ke hetê Serekîya Dayîreyê Ciewnîyayiş û Viraştişê Rayîr û Binawanîye ya Şaredarî qezayanê Peyas, Baxlar û Yenîşehrî de yene viraştiş, sehna û derheqê xebatan di agahî girewt.

Serekîya Dayîreyê Ciewnîyayiş û Viraştişê Rayîr û Binawanîye ya Şaredarîya Bajarê Girdî ya Dîyarbekirî qedexeyê tebervejîyayişî sey firsendêko pîl wekenitbî û rayîr û cadeyanê tol de xebata ciewnîyayiş û viraştişê rayîran dabî dest pê kerdene. Ekîbê şaredarî hetêk ra dest pê xebatanê newe keno hetêk ra zî xebatanê ke dest pêkerdbî qedîneno. Ekîban na rey zî qezaya Peyasî de xebata girêdayişê Cadeyê Ahmet Arîfî û Bulvarê Elazîzî de dest pê xebatan kerd.

Walî Karaloglu xebatanê ke çatre û qezaya Baxlarî de xebata Çatreyê Teyaregehî û qezaya Yenîşehrî de xebata Kuçeyê Hunerî û Cadeyê Rızvanagayî sehna. Karalogluyî da zanayene ke ekîbê şaredarî şewe û roje bê mabên qedexeyê tebervejîyayişî de zî xebatanê xo domneno.