Şaredarîya Bajarê Girdî ya Dîyarbekirî Çêrmug de temele bînayê şaredarîya Çêrmugî eşt.

Walîyê Dîyarbekirî Munır Karaloglu merasîmê temeleştişî de qalîkerd û aşkera kerd ke bînayê Şaredarîya Çêrmugî ya newe goreyê eslê bajarî ma bêro awankerdiş.

Karalogluyî vîr vîst ke deme hewayî şilî de laser warizeno aye ra çarçiwa proje de Suke Çêrmug de zî xebata raştkerdişî bêro viraştiş. Karalogluyî da zanayene ke bînayê Şareadrîya çêrmugî hetanî serre 2020 bêro temomkerdiş û pê nê xizmetan endî Çêrmug do hîna weş biasîyo.

Karalogluyî mijdan da ke di otele kehen ameyê weşonayiş û ina ca de ser 40 donim erd de kişta germawe de hetê Şaredarîya Semsunî, Parka Birayîye bêro viraştiş.

Çirra Şeyhan Dede beno Parkê Milî

Karalogluyî Kîfş kerd ke no bajarî erje rê nê sermayegozarîyan zî bes nîyo û bade qalîkerdişê xo wina domna : “ Çirra Şeyhan Dede merkeze Çêrmugî ra 30 kîlometre dûrî de ca gêno û pê xozaya xo cayêko girîng der o aye ra mi talimat da “Midurîya Mintiqa Parkê Milî ya meletî” ke tîya sey Parkê Mili bêro qebûlkerdiş.Nika tike probleme teknîk estê . Ma do inşallah înan safî bikerî û Çirra şeyhan Dede û dormeleyê ci sey Parkê Mili aşkera bikerî. Şaredarîya Girdî do semedo ke hemwelatîyan bi rehetî bêrê tîya ziyaret bikerî lavabo,wc û bankê roniştişî bivirazo. Ma do dima nê xizmetanê weş pawtê Şareadrîya Çêrmugî bikerî.”

Karalogluyî da zanayene ke xizmetanê xo de cîyayî nêkeno û 17 qeza de şewe û roje bê mabên xebetiyeno. Karalogluyî aşkera kerd ke mabêne serre 2021 de 1200 kîlometre rayîrê dewan de xebata asfalto egrmin bêro viraştiş û Dîs kî zî pê 552 mîlyon sermayegozarîye xetê awa şimitişî, kanalîzasyonî û şebekeye awa şiliye yê qezayan awan bikero. “ Car caran persê mi zî kenî şima senî eşkenê nê sermayegozarîyan bikerî, çimeyê nê pereyi çîyo ? Ez ke înan rê vana Homa Serekkomare m ara razî bo. Ma kamcî probleme xo derheqê Dîyarbekirî de resa ey ca de talîmatê safîkerdişê probleman daye.Serekkomar Recep tayyip Erdogan par BedLîs de qezaya Axlat de walîyan reyde kombîyayişêk viraşt. İna têhetamayiş de mi zî ard ziwanê xo ser ke problemê Dîyarbekirî ya en pîl awa şimitişî yo. Aye ser o pê talîmatê Serekkomar Recep Tayyıp Erdoganî sermayegozarîyê awe ame girewtişê programê sermayegozarîyan û aşma Nîsane de îhaleyê ci virazîya û nika uca de xebatan dest pêkerdo.”

Karalogluyî ard ziwanê xo ser ke safîkerdişê probleme bajarî ma de piştgirîyê wezîr û parlementeranê ma zaf o. Karalogluyî da zanayene ke semedo ke bajarî ma de hzuur û asayiş dewom bikero, yew bi yew heme probleman bêrê safîkerdiş.

Merasîmê temeleşitişî de Parlementerê Dîyarbekirî Mehdı Eker û Şaredarê Çêrmugî Şeyhmus Karamehmetogluyî zî qalîkerdişêk viraşt.

Badê Walî Karaloglu û heyetê pîya esnafan ziyaret kerdê.