Wesîleya serrgerê Fetihê Dîyarbekirî ya 1382ine derheqê Fetihê Dîyarbekirî de musabaqaya şîîre virazîya û serkewteyê musabaqayî xelatanê xo girewtê.

Serrgerê Fetihê Dîyarbekirî ya 1382ine ya hetê Artêşa Îslamî pê cîya-cîya çalakîyan ame pîrozkerdiş.Qepsema çalakîyan de derheqê Fetihê Dîyarbekirî de pê piştgirîyê Walîtîya Dîyarbekirî, rayberîya Şaredarîya Girdî û şirikîya Perwerdeye Mili ya Bajarî de musabaqaya şîîre zî virazîya

Musabaqa de Liseya Îmam Hatîpî ya Anadoluyî ya Şehıt Ozkan Ozendi ya Silîva ra Zubeyır Çetınkaya, Lîseya Ahmet Hanî ya Peyasî ra Zelal Kılıç, Mektebo MÎyanên ya Îmam Hatîpî ya Şehıt Halıt Gulser ya Peyasî ra Eda Elem, Mektebo Mîyanên ya 700. Yıl ya Baxlarî ra Ishak Ipek xelatê yewînîye destê Walîyê Dîyarbekirî Munır Karalogluyı ra girewtê.

“ Fetihê Dîyarbekirî xeberdarê mijdanê Fetihê Estanbolî ya zî”

Merasîmê xelatdayişî Merkezê Kultur û Kongreyî ya Sezaı Karakoçî de virazîya. Walîyê Dîyarbekirî Munır Karalogluyî merasîmê xelatdayişî de qalî kerd û aşkera kerd ke se ke eshabeyan û artêşa Îslamî ma pê Îslamî ardî têhet û bajarî ma bi sey Berê Anadolîyî , ma zî waşt wa pîrozkerdişê serrgerê fetihê bajarî ma ya 1382ine bibo wesîleya nîşandayişê wefayê ma.

Karalogluyî bal ont giringîya fetihê ser o û “27ê Gulane Fetihê Dîyarbekirî yo û bi ina fetihe Anadoluyî berê xo îslamî rê akerdo.29ê Gulane zî Fetihê Estanbolî yo û ina fetih zî emaret keno ke hetanî roja qîyamete no erdan herreyê Turk-Îslamî yo” vat û badê qalîkerdişê xo wina domna: “Fetihê Dîyarbekirî xeberdarê Fetihê Melezgîrtî û mijdanê Fetihê Estanbolî ya. Eke Fetihê Dîyarbekirî nebiya belkia Fetihê Melezgirt û Estanbolî zî çin bi. Fetihê Dîyarbekirî teyna semedê Dîyarbekir ney rojhelatî ra bigîrê heta rojawan heme misilmanê Anadoluyî eleqeder keno. Emser ma semedo ke reyna rihê fetihê bajarî ma de bicuwe cîya-cîya çalakîyan viraştê. “

Karalogluyî vîr vîst ke tedbîranê Vîrusê Korona ver xeylê çalakÎ online virazîya û waşt wa serrna înşallah pê beşdarîya hemweltîy bi coş bêro pîrozkerdiş.

“Ez çimanê heme beşdarê musabaqayî maçî kena”

Karalogluyî dîyar kerd ke bajarî ma hem bajarî pêxember û eshabeyan hem zî şaîran o.Karalogluyî badê wina vat. “Ma wazeme ke Dîyarbekir pê fersaeto fetihî şaîranê xo biresno.Ahmet Arıf, Cahıt Sıtkı Tarancı , Zıya Gokalp û Sezaı Karakoçanê newe bivejê bajarî ma de.Bi emrê Homayî zî ê bivejê. Ez çimanê heme beşdarê musabaqayî maçî kena û ez serkewteyan zî di rey pîroz kena . Ma înan ra şîîranê hîna weş pawenê. Ma wazeme ke ê bibên sey şaîranê namdar ya bajarî ma. “

Karalogluyî hetgirê înan ya çalakîyê fetihî ver heme dezgeyanê sîv3ıl û hemwelatîyan rê spas kerd.

Qalîkerdiş ra dima Karalogluyî xelate da serkewteyan.

Zubeyır Çetınkayay yo ke serkewteyê yewînîye girewtbi, romana xo ya bi nameyê “Bır Şehrın Ebabılı” dîyarê Wal3ı Karalogluyî kerd.