Walîyê Dîyarbkirî Munır Karaloglu, “Akademîyê Gedeyan” ke hetê Şaredarîya Girdî ame viraştiş, akerd û eşt xizmetê gedeyan.

Serekîya Dayîreyê Xizmetanê Sosyal ya Şareadrîya Girdî Cuya Muşterek ya Sumerparqî de semedo ke piştî bidê îxtîyacîyê gedeyan ya sosyal û şexsî “Akademîyê Gedeyan” awan kerd.

Akademî gedeyanê ke emrê înan 4-7 serrî yo eşkenê xizmetane akademî ra îstîfade bikerê û Akademîyê Gedeyan de atolyeyê kayê vîr û zekayî,ebru û baxçeyê hobî estê.

Walî Karaloglu akerdişê Akademîyê Gedeyan de qalîkerdişêk viraşt û destpêkî qalîkerdişê xo de da zanayene ke roja ke ameyo wezîfe nata pê feraseto şaredartîya sosyal zaf xebatan kerdo. Karalogluyî aşkera kerd ke semedo ke xizmetê şaredarî biresê 1 mîlyon û 782 hezar hemwelatê ke bajarî ma de ciwîyenî pê lijneyanê bînan xebatanê zaf girîng yenê viraştiş.

Karalogluyî wina vat: “Şaredarîya ma pê serekîya dayîreyanê xo pê lijneyanê bînan sey lijneyêk xebatan keno ke teyna merkezê bajarî de nêy 17 qeza de zî sey merkezê bajarî xebatan bêro viraştiş. Serrna bajarî ma do nê xebatan bivînê û hîs bikerê. Hemwelatê ma pê Banê Zanayîşan, Akademî Lîseyan, Yurdê Gedeyan û Akademîyê Gedeyan û kompleksê kem a semedê astengdaran akerd, ferqê xebatanê şaredartîya sosyal bivînê. “

Karalogluyî vîr vîst ke semedê dayîkanê astengdaran di “Banê Mabênî” virazîyo û badê wina dewom kerd: “Hendî dayîkan estê ke neeşkenê gedeyanê xo yê astengdar pawtê kesî ke û aye ra serreyan gama xo neeştê teber. Nika ma semedê dayîkanê xo îmkanêk danê. Banê Mabênî kem a vanê dayîkanê ma eşkenê gedeyanê xo pawtê xebatkarê tîya bikerê û îxtîyacîyê xo bivîyarnê. Banê Mabênî helm bidê dayîkanê ma. Dîyarbekir do sifte yo ke ina xizmet ra îstîfade bikero. Nika awankerdişê Banê Mabênî yew taxa Şexîtlîkî de yew zî qezaya Peyasî de dewom keno.Temombîyayişê înan ma do akerdişê înan zî înşallah bikerê.”

Vîrenîyê ma gedeyê şehîd û sêwiran ê

Karalogluyî waşt wa Akademîyê Gedeyan xeyrin bo û badê wina vat: “Her kesî ke tîya de ciwîyenî semedê ma yew ê û ma cîyayî nêkenê mabênê hemwelatê xo. Bêgûman vîreniyê ma tîya de gedeyanê şehîd û sêwiran ê labelê heme gedeyê Diyarbekirij eşkenê atolyeyan ra îstîfade bikerê.

Walî Munır Karaloglu, Cinîya ey Sevım Karaloglu gedeyan reyde pêro pÎya qurdeleyê Akademîyê Gedeyan birnayî û badê akerdişî gedeyan ra kay kerdî.

Akerdişê Akademîyê Gedeyan rê Walîyê Dîyarbekirî Munır Karaloglu, cinîya ey Sevım Karaloglu, Sekreterê Pêroyî ya şaredarî Ayhan Kardan û serekê dayîreyanê şaredarî beşdar bîyî.