Şaredarîya Bajarê Girdî ya Dîyarbekirî semedo ke wa wendekaranê Banê Zanayîşî, dorûverê xo û bajarê xo bişinasnê çalakîyê gêyrayîşî serrast keno.

Banê Zanayîşî ya Bismil Azîz Sancarî, Serekîya Dayîreyê Xizmetanê Ciwan û Sporî ser o xebate kena.Wendekaranê Banê Zanayîşî çarçiwa programê “Bigeyrê-Bivînê” na rey zî muzeyanê bajarî de gêyrayî.

Wendekaranê ke mektebê hamnanî ya Banê Zanayîşî de perwerde gênê çarçiwa programê gêyrayîşî de cayanê tarîxî yê bajarê xo şinasnenê.

Gedeyî çarçiwa gêyrayîşî de muzeyanê şaîr û nuştox Cahıt Sıtkı Tarancı,Ahmed Arîf û Zîya Gokalpî de gêyrayî û derheqê cuya înan de agahî girewtê.

Wendekaran gêyrayîşî ver keyfweşîyê xo ardî ziwananê xo ser û kîfş kerd ke ê zaf keyfweşî ke saya ina programan cayanê tarîxî û tarîxê bajarî xo de agahî gênê.

Serekîya Dayîreyê Xizmetanê Ciwan û Sporî do semedê wendekaranê merkez û qezayan xebatanê xo bidomno.