Xebata restorasyonî ke Şaredarîya Bajarê Girdî ya Dîyarbekirî sûranê dîyarbekirî de keno, semede wendekarê Mîmariye bi cayê dersî.

Şaredarîya Bajarê Girdî ya Dîyarbekirî, Sûrê Dîyarbekirî yo ke Lîsteya Mîrasanê Cîhane ya UNESCO de ca gêno bipawo û bireso ajê binan xebata restorasyonî dabi dest pêkerdiş û xebatan bê mabên dewom keno.

Fakulteya Mîmariye Unîversîteya Dîcle pê perwerdekar û wendekaran reyde xebata restorasyonê sûran sehnayî û derheqê xebatan di selahîyetdaran ra agahî girewtê.

Sereka Restorasyonê Fakulteya Mîmariye ya Unîversîteya Dîcle Doç.Dr. Emıne Emınce Dagtekın aşkera kerd ke gêyrayîşê teknîkî semedê wendekaran zaf feydeyin bi.

Semedê teknîkê pratîkî feyde bido wendekaran

Dagtekıne îzeh kerd ke xebata restorasyonê sûran zaf serkewte dewom keno û aye xebatan zaf ecibnaya.Dagtekıne da zanayene ke qepsema dersa roleveyîb de waşta ke wendekaran xebatanê tîya ca de bivînê .Badê Dagtekıne qalîkerdişê xo wimna domna: “Xebatanê restorasyonê sûran ê ke bine banê Walîtîya Dîyarbekirî û Şareadrîya girdi de dewom keno semede wendekaranê m abi taybetî zî seba pratîkî zaf faydeyine. Ma xebatanê tîya de vîna semedo ke eslê sûran zerar nêvîno xebatan de gore eslê sûran kerrayê bazaltî yêno xebitnayiş. İna xebat semede pawitişê sûran û neqlbîyayişê ajê binan xebatêko zaf girîng o. Ma xebatanê înan ver Walîtîya Dîyarbekirî û Şaredarîya Girdî rê spas kenî.”

“Ez bawera ke ma do feydeyê ke ma tîya de musayî bivînê”

Gızem Şahıne ke Fakulteya Mîmariye Unîversîteya Dîcle de wanena aşkera kerd ke tîya de derheqê tarîxê sûran û xebatanê ke dewom keno de agahî girewta û dîyar kerd ke tîya de teknîkê restorekerdişî ca de musaya.Şahıne xebatkaranê proje rê spas kerde.

Irfan Korkut wina vat: “Ma qepsema gêyrayîşê teknîkî de bingeyê tarîxî senî restore benî ca de musayî. Ma seemdê pawitişê nê binateyan de zî agahî girewtê.Ez bawera ke ma do feydeyê ke ma dersan de musayî bivînê.”

Wendekara Mîmariye Şilan Sancare zî îzeh kerd ke derheqê xebata restorekerdişî zaf çi musaya û ina gêyrayîşê teknîk seba aye zaf feydeyin bi.

Wendekaran ra Abdullah Şahınogluyî zî kîfş kerd ke ma ewro tîya de sûranê ke Roma û Selçûkîyan re mendo ganî senî restore bibo musayî. Înşallah ma pê çîyê ke tîya de musayî semedê bajar û welatî ma bîme hemwelatêko feydeyin.”