Semedê komresîya konforine û rehetine xebatê Şaredarîya Dîyarbekirî dewam kenê.

Şareadrîya Girdî 15ê Adare de pê 4 xeto binge û 4 xeto hetkar kiriştişê raywanan se ra 20 zedna. Serekîya dayîreyê Resî ya Şareadrîya Bajarê Girdî ya Dîyarbekirî semede xatê binge yo A1, A2, A3, Û A4 pê xebata Ar-Ge fikre hemwelatîyan girewt.

Selahîyetdaranê Serekîya Dayîreyê Resî ya Şaredarîya Bajarê Girdî ya Dîyarbekirî merkeze xet û neqlkerdişî sehnayî û ekîban verîyê kerto biaqil, GPS û gerreyan wekenit. Badê muxtarê Uçkuyular û îdarekerê sîteyan reyde kombîyayiş virazîya.

Netîceyê kombÎyayiş û xebata Ar-Ge vejîya ke raygeho ke qapasîteyê kiriştişê vere cû 54 hezar bi pê destpêkerdişê xetanê newe se ra 20 zêde bi û nika rojane 73 hezar raywanî kirişenê. Sereka Dayîreya Resî ya Şareadrîya Bajarê Girdî ya Dîyarbekirî Hulya Atalaye derheqê xebata Ar-Ge de agahî daye û da zanayene ke hemwelatîyan vere cû semede komresîyê mabêynê taxan de 2 lîra nika 1 lîra dane.

Atalaye bade qalîkerdişa xo wina domna: “Netîceyê xebata Ar-Ge ma vînenê ke hemwelatîyanê ke neql kenî se ra 45, şuxulnayîşê xetanê hetkar ( ring) zî se ra 55 o. Seferan verê cû 20-25 deqayî de yew nika pê xetanê A1, A2, A3, Û A4 8 deqeyî de yew o. Ma her yew xet de pê 16 wesayîtî xizmet danê. Seferê wesayîtê rîngî zî mabeyne 5 û 10 deqeyî vurîyeno.”

Goreyê waştîşanê hemwelatîyan xetan ame serrastkerdiş

Atalaye bade bal ont xebatan ser û “Ma waştîşanê hemwelatîyan ser o xebatanê xo serrast kenê semedê cayê vindertişê xetane binge bi taybetî verê Neweşxaneyê Unîversîteya Dîcle, Uçkuyular û Banê Afetî de hemwelatîyan demê ke wesayîtan pawenê zehmetî nêancê pevînayişê ma dewom keno. Hemwelatîyan Uçkuyular ra heta Neweşxaneyê Perwerde û Cigêrayîşî yê Gazî Yaşargılî pê ring uca ra zî pê sefere binan dewomkerdbi û hem qarabalixe neweşxaneyî hem qerebalixe sefere rîngî ver gerreyan estbi û heqê înan zî estê. Hemwelatê ma heme çîyanê weş heq kenê o semed ma vere Neweşxaneyê Fek û Didonan de cayêk tol dî û ma wazeme ke uca de pê serrastkerdişê peron, vindergeh û tabelayan xizmetêko hînî baş bideme hemwelatê xo.”