Şaredarîya Bajarê Girdî ya Dîyarbekirî, semedo ke xasîye zebeşa Dîyarbekirî yo ke mabenê lezetê herêmî tescîlê nîşanê cografyaye de ca geno bipawo citkaran rê destegê zibil û dermanan domneno.

Serekîya Dayîreyê Averberdişê Bêjayî ya Şaredarîya Girdî semedê pawitişê xasîye zebeşa Dîyarbekirî, 50 citkarî rê zibil û derman hibe kerd.

Merasîmê vilakerdişê zibil û dermanan Merkezê Kulturî ya Alî Emîrî de virazîya û Hetkarê Sekreterê Pêroyî ya Şaredarî Ensarı Erden merasim de qalîekrdişêk viraşt. Ensarı da zanayene ke semedê aveşîyayişê zîret û citkaran xebatanê şaredarî dewam keno û badê qalîkerdişê xo wina domna : “Zebeşa Dîyarbekirî hem sey sembolêke hem zî wesîleya daşinasnayişê bajarî ma ya.Ma do çarçiwa îmkananê xo de semedê pawitişê xasîye zebeşa Dîyarbekirî desteganê xo bidomnê.”

Serekê Dayîreyê Averberdişê Bêjayî ya Şaredarîya Girdî Nıhat Nurbakı da zanayene ke vilakerdişê zibil û dermanan waştîşê citkaran û talîmatê Walîyê Dîyarbekirî Alı Ihsan Suyî ser o virazîyeno.

Şaredarî cîya-cîya destegan dana citkaran

Serekê Komela Resnayoxê Zebeşe Adıl Aydın zî da zanayene ke semedê averşîyayişê zebeşe lebate keno û badê wina vat: “Şaredarîya Girdî citkaranê bînan rê zî desteganê cîya-cîyayan dano û ma wazeme ke şareadrî nê desteganê xo bidomno. Ma nê destegan ver ewilî Walî Alı Ihsan Su, sekretere pêroyî ya şaredarî û hetkarê ey rê û serekîya dayîreyê averberdişê bêjayî rê spas kenê”

Citkar Ramazan Oz zî detegê şaredarî ver spas kerd û wina va :Ez zebeşe resnena û dadî û babîyê mi zî zebeşe resnênê, Ez hetanî nika zaf festîval musabaqayê zebeşan di kewta derece û mi zebeşe ke 45,50 û 55 kg zebeşe resna. Ez wazena ke zebeşe ma zî sey demê kehem zebeşê babî û dadîyê ma 60, 70 kîlo biba.”