Bi beşdarîya Hemşaredaranê Bajarê Girdî yê Amedî Serra Bucak û Dogan Hatunî 6 cayanê şaristanî ra 20 hezar kesan rê aşûre ame vilakerdene.

Serekîya Daîreya Xîzmetê Sosyalan bi wesîleyê Aşma Muharreme şaristanî mîyan ra aşûre vila kerd. Raşteyê Berê Koyî, Parka Koşuyolu, Nêweşxaneyê Gazî Yaşargîlî yê Perwerde û Cigêrayîşî, Nêweşxaneyê Cinî û Bîyayîşî, Nêweşxaneyê Unîversîteya Dîcle û Benûsen de standê ameyî akerdene û 20 hezar kesan rê aşûre ame vilakerdene.

Hemşaredaran Berê Koyî de aşûre vila kerd 

Hemşaredarê ma Serra Bucak û Dogan Hatun û temsîlkarê rêxistinanê sivîlan beşdarê vilakerdişê aşûreyî bîyî û raşteyê Berê Koyî de aşûre vila kerd.

Sekretero Pêroyî Emrullah Gorduk zî Nêweşxaneyê Gazî Yaşargîlî yê Perwerde û Cigêrayîşî de aşûre vila kerd.