Şaredarîya Amedî ya Şaristanê Girdî, seba ê kesan ke emrê înan 60 serrî ra zêdêr o, yew xebata moralî organîze kerd. Programo ke tede dengbêjan kilamî vatî, kal û pîran demêko weş vîyarna.

Mudirîya Şubeyê Xizmetê Astengdar û Kokiman yê Serekîya Daîreya Xizmetê Sosyalan, Merkez û Lokalê Xizmetê Kokiman xebatanê xo dewam kenê ke kal û pîrî destek bibê ke teberê cuya rojane ra nêmanê.

Nê çarçewa de ekîbê ke xebatan kenê, Sumerpark de seba kal û pîran yew xebate organîze kerd. Programo ke bi îkramê werdî dest pêkerd, tede Serekê Daîreya Xizmetê Sosyalan Serkan Demîrkiran, ehtîyaran reyde nêzdî ra eleqedar bî.

Programo ke tede dengbêjan kilamî vatî û kal pîran demêko weş vîyarna, tede şerbetê reyhanî ame îkramkerdene. Xebate de kal û pîrî keyfweşîya vîyarnayîşê rojêka cîyaye ciwîyayî.

Mudirîya Şubeyê Xizmetê Astengdar û Kokiman kal û pîran tena nêverdana

Merkezo ke wazeno verê kal û pîrê bêkesî yan zî bê ameye yê, înan rê xîzmet bikero, her extîyaro ke Dîyarbekir de ciwîyeno û emrê ey 60 û ra zêdêr o, bê ke rewşa sosyo-ekonomîke yê ey bêro ewnînayîş, do endamîye bigîro û bêpere şêno tira îstîfade bikero.

Merkez, hedef keno ke cuya rojane ya kal û pîran rehet bikero, keyeyanê înan de înan rê destek bibo û yew proseso saxlem awan bikê. Merkez, keyeyanê kal û pîran de pakîye keno, û sewbîna fîzyoterapî û ardimê bînî sey; gêrayîş, pîknîk û goşdarîya dengbêjan sey xebatanê sosyalan zî organîze keno.