Ekîbanê îtfaîye ke Hemşaredarê Amedî yê Şaristanê Girdî Dogan Hatunî organîze kerd, qezaya Yenîşehîr de Sîteya Sanîya ya 2. de şewat peysna.

Taxa Sanayî ya Yenîşehîrî de kuçeyê 39. de şewatêk vejîya. Şewato ke sebebê ey hema nêyeno zanayene, demêkê kilmekî de bî gird û derûdorî ra vila bî. Bi xeberdayîşê îtfaîye ekîbê îtfaîye ca de ameyî cayê şewatî. Hemşaredarê Amedî yê Şaristanê Girdî Dogan Hatun ame cayê şewatî û ekîbî organîze kerdî. Hemşaredarê qezayan, Hetkarê Sekreterîya Pêroyî Reşat Bakan û endamê meclîsî zî cayê şewatî de bîy.

 10 wasita û 45 personelê ke girêdayîyê Serekîya Daîreya Îtfaîye yê û Muridîya Pêroyî ya DÎSKÎ bi tankeranê xo yê awe pîya xebitîyayî û adir peysna.

Şewat ame peysnayene 

Şewato ke saete 16.30î de vejîya û sebebê ey hema nêyeni zanayene, bi mudaxeleyê ekîbanî yê bilezûbezî demekê kilmekî de ame peysnayene.

Ekîbanê zabitayî vernîya çîyanê neyînîyan girewt 

Şewato ke dikanêkê rûno madenî û parçeyê oto yê cagiran roşeno, tede dest pêkerd û dima xo eşt hîrê dikanan, peynayîşê şewatî ra dima ekîbanê zabitayî derûdorî ra vernîya çîyanê neyînîyan girewt.

Ekîbanê îtfaîye peysnayîşî ra dima dest bi xebata cemidnayîşî kerd û cigêrayîşê sebebê şewatî zî da destpêkerdene.