Hemaredarê Şaristanê Girdî ya Amedî Dogan Hatunî, xebatê ke Parka Sosyale yê Ciwîyayîşî û Cayê Seyranî yê qezaya Yenîşehirî de dest pê kerdî, ca de sextî kerdî.

Serekîya Daîreya Park û Baxçeyan, qeraxê Çemê Dîcle yê qezaya Yenîşehirî de ke 201 hezar metrekarre yo û veng verdîyayo û xirabe bîyo, Parka Sosyale yê Ciwîyayîşî û Cayê Seyranî yê Karakopru (Fidanligî) de xebata newekerdişî daye dest pêkerdene.

Ekîbê Serekîya Daîreya Park û Baxçeyan ke heme ca ra vaşê xoserî arêdayî, lemî çarşnayî û vaşî çinayî. Ekîban, cayê pîknîkî de bazalt, bordur, kilît-kerra, kamelya û bankê ke şikîyayê û xeripîya yê, tamîr kerdî û têlê ke derûdorê sahaya futbolî ya sentetîkî girewtêne, newe kerdî.

Pawîtiş û tamîrê awanîyan yeno kerdene

Ekîbanê ke tamîrê çîtanê panelî kerdî, pawîtiş û  dest bi tamîrê awanîyanê ke cayê pîknîkî de estê la rewşa înan a şuxulnayîşî çin a, kerd.

Hemşaredar Hatunî sextî kerd

Hemşaredarê Şaristanê Girdî Dogan Hatunî ke Parka Sosyale yê Ciwîyayîşî û Cayê Seyranî zîyaret kerd, xebatî ca de kontrol kerdî.

Hemşaredar Hatunî derheqê xebatan de ke yenê kerdene, amîranê yewîneyan ra melumatî girewtî û waşt ke xebatî rew biqedîyê û debîyê xîzmetê şarî.