Şaredarîya Şaristanê Girdî ya Amedî, seba domanan Turnuvaya Futbolî ya Domanan yê Estareyanê Amedî do organîze bikero. Qeydî ke 6ê Tebaxe de dest pê kenê, 9ê Tebaxe de do biqedîyê.

Serekîya Daîreya Ciwanî û Sporî, seba ke hetkarîya averşîyayîşê domanan bikero, sporbazan keşf bikero, sporvan û bi keyeyê înan pîya demêko weş bivîyarnê, domanan bîyaro pêhet û spor bido kerdene û Turnuvaya Futbolî ya Domanan yê Estareyanê Amedî do organîze bikero. Turnuva de wendekarê ke emrê înan cîya yê, do qada sporî de pêbêrê.

Turnuva de sporbazê ke 2012 û 2013 de maya xo ra bîyê, do tede huneranê xo bimojnê. Turnuva 12ê Tebaxe de dest pê kena. Domanê ke beşdarê turnuva benê, înan rê malzemeyê sporî do bêrê dîyarîkerdene.

Wextê muracatî yo peyên 9ê tebax o

Timê ke wazenê beşdarê turnuva bibê, eşkenê bi raporê xo yê weşîye mabênê 6ê Tebaxe - 9ê Tebaxe 2024 de Yewîneya Qeydkerdişê Sporî ya Cayê Ciwîyayîşê Pîyayî yê Sumerparkî de qeyd bikerê.