Mudirîya Pêroyî ya DÎSKÎ ya Şaredarîya Amedî ya Şaristanê Girdî, seba ke hewcedarîya awe ke aşmanê hamnanî de zêde bena, bîyaro bi ca, Hewza Awa Şimitişî ya Gozelî de yew çala sondajî ya newîye akena.

Mudirîya Pêroyî ya Îdareyê Awe û Kanalîzasyonê Amedî (DÎSKÎ) ke xebatanê xo yê zêdekerdişê kapasîteyî dewam kena, seba ke hewcedarîya awa şimitişî ke aşmanê hamnanî de zêde bena, bîyaro bi ca, Hewza Awa Şimitişî ya Gozelî de ke qismêkê hewcedarîya awa şimitişî yê şaristanî temîn kena, seba akerdişê yew çala sondajî ya newîye dest bi xebatan kerd.

'Rojane 22 hezar metrekub awa çimeyî'

Mudirê Pêroyî yê DÎSKÎ Mehmet Şerîfogluyî, bale ante ser o ke hewcedarîya awa şimitişî yê şaristanî, goreyê zêdebîyayîşê nufusî û aboneyan her roje zêde beno û va: "Hewza Awa Şimitişî ya Gozelî de ma rojane teqrîben 22 hezar metrekub awa çimeyî gênê. Bitaybetî aşmanê hamnanî de, seba ke vernîya xirabîyan bigîrê ke eşkenê sebebê hewcedarîya awayî ra bivejîyê, ma Hewza Awa Şimitişî ya Gozelî de yew xebata sondajî ya newîye kenê."