Şaredarîya Amedî ya Şaristanê Girdî yew aktivîte organîze kerde û tede Hunermend Aram Tîgran serrgêra mergê ey ya 15. de ame vîrardene.

Serekîya Daîreya Kultur û Karê Sosyalî yê Şaredarîya Şaristanê Girdî, seba 15. serrgêra merdişê Hunermend Aram Tîgranî ke 9ê tebaxe 2009î de Yunanîstan de ke tede tedawî dîyêne, şîbî rehmet, yew aktivîteya vîrardişî organîze kerde. Programê vîrardişî ke Keyeyê Dengbêjan ê Qezaya Sûrî de virazîya, tede Hemşaredara Şaredarîya Çinarî Semra Akyuz, Hetkara Sekreterê Pêroyî yê Şaredarîya Şaristanê Girdî Zerîn Turk, Sereka Daîreya Kultur û Karê Sosyalî Çagla Sanay, Hemsereka Şubeyê Amedî yê Partîya DEM'î Gulşen Ozer, temsîlkarê rêxistinanê sivîlan û şar zî beşdar bîyî.

Qiseykerdişan de ke programî de ameyî kerdene, tede bale ame antene ke zehmetîyê ke Hunermend Tîgranî cuya xo de dîyê. Viraştişê ey ê muzîkê Kurdkî û heskerdişê ey ê Amedî zî ame vatene.

Badê qiseykerdişan, program bi vatişanê hunermendan ê deyîranê Aram Tîgranî qedîya.