Şaredarîya Amedî ya Şaristanê Girdî, qezayanê Farqîn û Çinarî de cayê mezelê neweyî viraştî û gasilxaneyî awan kerdî.

Serekîya Daîreya Karanê Fenî, Qezaya Farqînî de Taxa Selahatînî de 30 hezar 925 metrekare de cayê mezelê neweyî viraştî. Ekîban cayê mezelî de ke kapasîteya ey 6 hezar mezelî ya, yew mizgefto 148 metrekareyî viraşt û qatê binî de odaya meytşutişî, morge, odaya personelan, desmajxaneyê cinî û camêrdan, depoyê awe û depoyî viraştî.

Çarçewaya projeyî de rayîrê mezelî yo 3 hezar 920 metrekareyî zî bi kerraya parkeyî ya kilîtinî ame ronayene.

Cayê mezelî yo newe yê Çinarî

Şaredarîya Şaristanê Girdî, Qezaya Çinarî de zî cayê mezelê newe û gasilxaneyo newe viraşt.

Serekîya Daîreya Karanê Fenî, Taxa Fatîhî de cayê mezelê newe yo 12 hezar 668 metrekareyî viraşt. Ekîban cayê mezelî de ke kapasîteya ey 2 hezar 223 mezel a, yew mizgefto 125 metrekareyî viraşt û odaya meytşutişî, odaya personelan, desmajxaneyê cinî û camêrdan, depoyê awe, depoyî viraştî.

Çarçewaya projeyî de 2 hezar 550 metrekare kerraya parkeyî ya kilîtinî reyde rayîrê mezelî zî ame viraştene.