Şaredarîya Amedî ya Şaristanê Girdî, Qezaya Baglarî de Bulwarê Medîne de xebata peyzajî kerde.

Serekîya Daîreya Park û Baxçeyan, seba Amedêkê hîna kesk û estetîkî vilikê mevsimî yê hamnanî û nebatê ke grûba darikan ra yê ke tesîsanê xo de virazena, refuj û çarrayîranê qezayanê Yenişehîr, Kayapinar, Sur û Baglarî de ronena.

Na çarçewa de sînorê Qezaya Baglarî de Bulwarê Medîne de xebata peyzajî ame kerdene.

Ekîban verê ke vilikanê mevsimî yê hamnanî biramê, ca eşêfe kerde, herra ke zêde mendbî, hewana û xebata çapa kerd û refujê Bulwarê Medîne seba ramitişê nebatan hazir kerd.

Seba ke Bulwarê Medîne hîna estetîk biaseno, ekîban 10 hezar 200 vilikê kadîfe yê mevsimî, 184 şitilê lavanta û 184 şitilê bîberîye ramitî.

Serekîya Daîreya Park û Baxçeyan, goreyê planê xebatan do qezayanê Yenişehîr, Baglar, Sur û Kayapinarî de çatrayîr û refujan de xebatanê nebatan dewam bikero.