Meclîsê Şaredarîya Amedî ya Şaristanê Girdî, seba ke resê komkî de xîzmetêko hîna rehet, resayox û bikalîte bêro dayene, bi yewvengî qerar da ke 82 otobusê ke emrê xo yê ekonomîkî qedênayo, bêrê rotene û vera înan 150 otobusê neweyî bêrê girewtene.

Roniştişê çarinî yê kombîyayîşê normal yê aşma tebaxe yê Meclîsê Şaredarîya Şaristanê Girdî, bi serekîya Hemşaredare Serra Bucak de virazîya.

Meclîsê Şaredarîya Şaristanê Girdî, goreyê qelebalix, gazin û waştişanê şarî yê resê komkî, qerar da ke 82 otobusê resê komkîyî ke binê Serekîya Daîreya Resî de yê, seba mesrefê sotemenî û pawitiş-tamîrî bêrê rotene û vera înan 150 otobusê neweyî bêrê girewtene.

Otobusê ke emrê xo yê ekonomîkî qedênayo, do bêrê rotene

Raporo ke hetê Komîsyonê Resî ra ame pêşkêşkerdiş, tede de ame vatene ke 82 otobusî seba mesrefê sotemenî û pawitiş-tamîrî emrê xo yê ekonomîkî qedênayo û 14 otobusî zî ameyê dayene xurda.

Meclîsî bi yewvengî qerar da

Meclîsî, maddeyê ke rotişê 82 otobusî û girewtişê 150 otobusanê neweyan ser o yê, bi yewvengî qebul kerdî.

Hedef o ke problemî bêrê wedarnayene

Şaredarîya Şaristanê Girdî ke hedef kena ke şîkayet û problemê resê komkî demêkê kilmî de bêrê wedarnayene, badê qerarê Meclîsî, wexto ke prosesê girewtişê otobusî biqedîyo, resê komkî do xizmetêko hîna rehet, resayox û bikalîte bido.