Hemşaredara Şaredarîya Amedî ya Şaristanê Girdî Serra Bucak, fealîyetê "Xoza de Gedeyê Keyfweşî" ke Parka Cuya Komelkî de ame organîzekerdene, beşdarê ci bîye.

Mudirîya Şubeyê Gedeyan a Serekîya Daîreya Xizmetanê Komelkîyan, seba gedeyan ke demê hamnanî de atolyeyan ra îstîfade kerdî, fealîyetê "Xoza de Gedeyê Keyfweşî" organîze kerd. Fealîyeto ke Parka Cuya Komelkî û Cayê Mesireyî yê Qezaya Yenîşehîrî de virazîya, tede Hemşaredara Şaredarîya Şaristanê Girdî Serra Bucak, serekê daîreyan, endamê meclîsî û gedeyî beşdar bîy.

Gedeyan keyf kerd

Gedeyê ke perwerdekaran reyde beşdarê fealîyetî bîy, înan rê taştî û werd ame dayene. Gedeyî cayê seyranî de, atolyeyanê hunerî, muzîk û sporî de keyf kerd.

Hemşaredare Bucak goşdarîya waştişanê gedeyan kerd

Hemşaredare Bucak beşdarê kayanê ke gedeyan kay kerdêne, bîye û çembero ke ame viraştene, tede gedeyan reyde qisey kerd, goşdarîya waştişanê înan kerd.

Gedeyan waştişê xo yê sey xalî saha, karta otobusî ya bêpere, hewze, bisîklet, kulubeyê heywanan û pakîya derûdorî Hemşaredare Bucak rê vatî.