Şaredarîya Amedî ya Şaristanê Girdî, seba ke emnîyetê trafîkî bêro zêdekerdene û hereketê trafîkî bibo binîzam, Cadeyê Dr. Yûsif Ezîzogluyî ke Fîskayaya ra vîyareno, ser o xebate kerde.

Serekîya Daîreya Resî, seba ke peya û wesayîtî bulwar, cade û kuçeyan de bieşkê bi hawayêko emnîyetin şêrê û bêrê, xebatanê xo yê ke dest pê kerdbî, dewam kena. Ekîban, seba ke emnîyetê trafîkî yê Cadeyê Dr. Yûsif Ezîzogluyî ke Semtê Fîskaya yê Qezaya Sûrî ra vîyareno zêde bikerê, xebate kerde. Ekîban ke xebatê xo saetanê şewe de kerdî ke trafîk tay o, seba ke cade de emnîyetê trafîkê peya û wesayîtan zêde bikerê, hêdîkerdox, 1 hezar û 150 metre xetê profîlî û xetê vîyarê peyayan antî. Ekîban bi montekerdişê tabelayanê îqazê trafîkî yê ledinî û flaşorinî ê ke bi enerjîya rojî xebitîyenê, xebatê xo qedênayî.

Bi xetê profîlî Cadeya Dr. Yûsif Ezîzogluyî de emnîyetê trafîkê peya û wesayîtan ame zêdekerdene. Bi saya sîstemî ke rolê hêdîkerdoxî kay keno, îhlalê xetî ameyî vernîgirewtene û rîskê qezayanê trafîkî yê muhtemelan ame kêmîkerdene.