Hetê Şaredarîya Amedî ya Şaristanê Girdî û Şaredarîya Sûrî ra Qezaya Sûrî de fealîyetê " Kuçe ra Spor" ame organîzekerdene

Serekîya Daîreya Xizmetanê Ciwan û Sporî, seba ke ciwan û domanî vera bêçarebîyayîşê maddeyan bêrê pawitene fealîyetan organîze kena, na het ra piştî dana fealîyetanê ke hetê şaredarîyanê qezayan ra yenê organîzekerdene.

Fealîyetan 2 rojî ramit

Çarçewaya "Projeyê Kuçe ra Spor" de bi sloganê "Sûr verê ra heta ameyoxî agêreno eslê xo, ma domanan reyde kuçeyanê xo rengin kenê, ma rêça tarîxê xo ancenê ameyoxî" Parka Anzele yê Sûrî û Parka Ezîzogluyî yê Taxa Îskenderpaşayî de di rojî fealîyetî ameyî organîzekerdene.

Fealîyetî de ke Hemşaredara Şaredarîya Sûrî Fatma Gulan Onkol zî beşdar bîye, doman, ciwan û cinî seba cuya weşe şans dî ke spor û bi fealîyetanê keyfdayoxan ra keyf bigîrê.

Parkurê keyfdayoxî

Teber ra fealîyetanê sporî yê sey tenisê masa, voleybol, futbol, parkurê bisîklete, kayê kuçe yê gelêrî, boyaxkerdişê rîyan û parkurê keyfdayoxî yê cîya-cîyayî zî fealîyet de ca girewtî.

Fealîyetî de ke domanan destê xo boyax kerdî û cilan ser o eserê renginî viraştî, beşdaran muzîk reyde hem şans dî ke spor bikerê hem zî xo rê keyf bikê.

Kuçeyê Sûrî, bi Projeyê Kuçe ra Spor di rojî bîy noqtaya spor û keyfî, fealîyetî hetê welatîyan ra eleqeyêko gird dî.

Peynîya fealîyetî de beşdaran rê dîyarî formayî ameyî dayene.